Álemniń jetekshi joǵary oqý oryndaryn sarapqa salatyn bedeldi QS World University Rankings 2026 nátıjeleri jarııalandy. Bul jolǵy jahandyq reıtıngte Abaı atyndaǵy Qazaq ulttyq pedagogıkalyq ýnıversıteti 628-orynǵa kóterilip, ótken jylǵy kórsetkishpen salystyrǵanda birden 43 satyǵa alǵa jyljydy. Bul – ýnıversıtet tarıhyndaǵy eleýli serpilisterdiń biri, dep jazady Egemen.kz.
Osylaısha, Abaı ýnıversıteti álemdik úzdik 650 ýnıversıtet qataryna enip, elimizdegi úzdik bes joǵary oqý ornynyń biri retinde óz ornyn aıqyn nyqtady.
Atalǵan jetistik – oqý ornynyń bilim berý sapasy men basqarý tıimdiligin arttyrý baǵytyndaǵy uzaq jyldyq júıeli eńbeginiń jemisi. Reıtıng nátıjesine oń yqpal etken basty faktorlar qatarynda – oqytýshy men stýdent arasyndaǵy ońtaıly araqatynas, jumys berýshiler arasyndaǵy joǵary bedel, sondaı-aq sheteldik professorlar úlesiniń artýy erekshe atap ótiledi.
Abaı ýnıversıteti óziniń uzaq merzimdi damý strategııasyna sáıkes, pedagogıkalyq bilim berýdiń ulttyq kóshbasshysy retinde halyqaralyq deńgeıdegi bedelin nyǵaıtyp keledi. Ýnıversıtettiń QS reıtıngindegi bul ilgerileýi – sapaly bilim berý, ǵylymı-zertteý jetistikteri, halyqaralyq seriktestik jáne akademııalyq utqyrlyq baǵyttaryndaǵy nátıjeli jumystyń aıqyn kórinisi.