QYZYLORDA. 4 tamyz. Qyzylorda oblysy ákimdiginde birinshi jartyjyldyqtyń qorytyndysy boıynsha keńeıtilgen májilis ótti. Bul týraly egemen.kz tilshisi habarlady.
Alty aıdy qorytyndylaǵan oblys ákimi Qyrymbek Kósherbaev qazirgi ekonomıkalyq jaǵdaıǵa qaramastan oblysta áleýmettik-ekonomıkalyq damýdyń negizgi salalary boıynsha kórsetkishter jaqsy ekenin aıtty. Mysaly, oblysta tutynýshy baǵalar ındeksi ortasha respýblıkalyq deńgeıden tómen, turǵyndardy jumyspen qamtý boıynsha jaǵdaı turaqty, al salyq túsimi boıynsha oblys basqa óńirler arasynda birinshi orynda. Sondaı-aq, jyl sońyna deıin 1800 páter paıdalanýǵa beriledi dep josparlanýda.
Sonymen qatar, oblystyń jartyjyldyq damý qorytyndysy boıynsha oblys ákiminiń orynbasarlary Natalıa Godýnova men Serik Qojanııazov jáne birqatar memlekettik organ basshylary baıandama jasady. Aımaq basshysy oblys ekonomıkasyn nyǵaıtý jáne áleýmettik-ekonomıkalyq damý kórsetkishterin jaqsartý boıynsha jaýapty basshylarǵa birqatar tapsyrmalar berdi.
Erjan Baıtiles.
Derek: egemen.kz.
Sýret: QazAqparat.