Mindetti áleýmettik medısınalyq saqtandyrý qory basqarmasy halyq tarapynan medısınalyq kómektiń sapasy men qoljetimdiligine qatysty shaǵymdardyń azaıýyna yqpal etken sharalar týraly málim etti.
2025 jyldyń alǵashqy bes aıynda Qorǵa barlyǵy 10 363 shaǵym tústi, olardyń 5 073-i qaıtarylyp alyndy. Kórsetkish 2024 jyldyń osy kezeńimen salystyrǵanda 11,7%-ǵa tómen. Byltyr 11 745 shaǵym tirkelgen edi (5 167-si qaıtarylǵan).
«Azamattardyń shaǵymdaryn azaıtý, medısınalyq qyzmet sapasyn jaqsartý baǵytyndaǵy jumystar arqyly oń nátıjege qol jetkizildi. Osy maqsatta Qor medısınalyq uıymdar bazasyndaǵy pasıentterdi qoldaý qyzmetterimen birlesip jumys isteıdi. Bul qyzmetterdiń mamandarynyń kásibı deńgeıin arttyrýǵa aı saıyn oqytý sessııalaryn uıymdastyrady», – dedi Áleýmettik medısınalyq saqtandyrý qory basqarma tóraǵasynyń orynbasary Indıra Sarkenova.
Oqytýlar bedeldi basqarý (repýtasııalyq menedjment), etıka jáne deontologııa, medısına qyzmetkerleriniń ar-namys kodeksi syndy negizgi baǵyttardy qamtıdy. Sessııa barysynda naqty kelip túsken shaǵymdar taldanyp, qaralady. Bul teorııalyq bilimdi tájirıbede qoldanýǵa, sondaı-aq halyq tarapynan senimdi arttyrýǵa múmkindik beredi. Halyqpen keri baılanysty kúsheıtý, medısınalyq kómektiń sapa standarttaryn arttyrý jumystary jalǵasa beredi.