Memlekettik keńesshi Erlan Qarın etnosaralyq kelisimdi nyǵaıtý máselelerine arnalǵan respýblıkalyq jıyn ótkizdi. Basqosýǵa Prezıdent Ákimshiligi qurylymdyq bólimsheleriniń basshylary, ortalyq memlekettik organdardyń ókilderi, sondaı-aq Qostanaı men Shyǵys Qazaqstan oblystarynyń ákimderi qatysty.
Jıynda etnosaralyq qatynas salasyndaǵy ózekti máseleler jáne aqparattyq-túsindirý jumystaryn jetildirý sharalary qarastyryldy.
Erlan Qarın «Zań jáne tártip» qaǵıdatynyń is júzinde oryndalýyna, sonymen qatar aımaqtardaǵy qoǵamdyq kelisimdi qamtamasyz etýdiń biryńǵaı tásilin ázirleý máselesine aıryqsha nazar aýdardy.
Memlekettik keńesshi ishki saıasattaǵy negizgi máselelerge qatysty quzyrly organdardyń jumysyn únemi proaktıvti rejimde úılestirip otyrý qajettigin aıryqsha atap ótti.
Jıyn sońynda memlekettik organdar men aımaq ákimderine qoǵamdyq-saıası turaqtylyqty nyǵaıtýǵa qatysty naqty tapsyrmalar berildi.