QR Ulttyq mýzeıinde «Geraldıkalyq zertteýler ortalyǵy» janynan qurylǵan «Tańba» ǵylymı-ádistemelik klýbynyń kezekti otyrysy ótti, dep habarlaıdy Egemen.kz.
Is-sharaǵa mınıstrlik ókilderi, belgili tarıhshylar men geraldıka salasynyń mamandary, zertteýshiler men túrli sala sarapshylary qatysty.
Klýb jumysynyń negizgi maqsaty – memlekettik rámizder men geraldıkalyq belgilerdi zertteý, olardy nasıhattaý jáne osy baǵyttaǵy ǵylymı-tájirıbelik máselelerdi saralaý.
Otyrysta memlekettik rámizderdiń eldik sana men ulttyq biregeılikti nyǵaıtýdaǵy mańyzy, geraldıkalyq saıasattyń ǵylymı negizdelýi qajettigi aıtyldy. Sondaı-aq, qazaq geraldıkasynyń damý baǵyttary men zamanaýı talaptarǵa saı jetildirý joldary keńinen talqylandy.
Qatysýshylar memlekettik rámizderdi nasıhattaýda sıfrlyq medıa quraldaryn tıimdi paıdalaný, oqýlyqtar men tanymdyq materıaldarda geraldıkalyq taqyrypty keńinen qamtý, sondaı-aq vedomstvolyq nagradalar men óńirlik nyshandar júıesin birizdendirý máselelerine erekshe nazar aýdardy.
Sonymen qatar, jastar arasynda rámizderge degen qurmetti arttyrýdyń joldary, salanyń normatıvtik-quqyqtyq bazasyn jetildirý jáne halyqaralyq tájirıbeni engizý máseleleri de qozǵaldy.