Premer-mınıstr Oljas Bektenov Hankendi qalasynda (Ázerbaıjan) ótken Ekonomıkalyq yntymaqtastyq uıymynyń XVII sammıtine qatysty.
Sammıtke Ázerbaıjan, Túrkııa, Iran, О́zbekstan, Qyrǵyzstan, Tájikstan prezıdentteri, Pákistan Premer-mınıstri, Aýǵanstan Premer-mınıstriniń orynbasary, Mınıstrler Kabıneti tóraǵasynyń orynbasary – Túrikmenstan Syrtqy ister mınıstri qatysty. Sondaı-aq birqatar halyqaralyq uıymdardyń ókilderi qatysty, olardyń arasynda OTЅ (Túrki memleketteriniń uıymy), CICA (Azııadaǵy ózara is-qımyl jáne senim sharalary jónindegi keńes), TRACECA (Eýropa – Kavkaz – Azııa kólik dálizi), BUU, UNESCAP (BUU-nyń Azııa jáne Tynyq muhıty elderine arnalǵan ekonomıkalyq jáne áleýmettik komıssııasy) jáne taǵy basqalary bar.
Otyrys barysynda EYU-ǵa qatysýshy memleketter arasyndaǵy ekonomıkalyq yntymaqtastyq máseleleri qaraldy. Kólik jáne logıstıka, energetıka, klımattyq qaýipsizdik, sıfrlyq transformasııa jáne taǵy basqa salalardaǵy ózara is-qımylǵa nazar aýdaryldy.
Sammıt jumysy aıasynda Úkimet basshysy Oljas Bektenovtiń Aýǵanstan Premer-mınıstriniń orynbasary Abdýl Ganı Baradarmen ekijaqty kezdesýi ótti. Onda saýda-ekonomıkalyq, kólik-logıstıkalyq, agrarlyq salalardaǵy yntymaqtastyqty damytý máseleleri talqylandy.
Oljas Bektenov Memleket basshysy Qasym-Jomart Toqaevtyń bastamasymen elimiz «Týrgýndı-Gerat» temirjolynyń qurylysyna ınvestısııa salýǵa daıyn ekenin atap ótti.
«Aýǵanstan – Ortalyq jáne Ońtústik Azııa arasyndaǵy kópir. Transaýǵan temir jolynyń qurylysy búkil óńirdiń damýyna yqpal etetin bolady. Qazaqstan Úkimeti osy jobany iske asyrý nıetin rastaıdy, jaqynda taraptar arasynda tıisti memorandýmǵa qol qoıylady», dedi Premer-mınıstr.