Elordada bir táýliktiń ishinde tórt bala kópqabatty turǵyn úılerdiń terezesinen qulap ketken. О́kinishke qaraı, olardyń ekeýi alǵan jaraqattarynan oqıǵa ornynda kóz jumǵan, dep habarlaıdy Egemen.kz.
Atap aıtqanda, ótken táýlikte shuǵyl medısınalyq kómek qyzmetiniń 103 pýltine «bala qulap ketti» degen sebeppen tórt shaqyrtý túsken. Zardap shekken balalar ártúrli bıiktikten, birinshi qabattan bastap 16-qabat aralyǵynda qulaǵan.
«10 jáne 16-qabattan qulaǵan balalar alǵan jaraqattarynan oqıǵa ornynda kóz jumdy. Onyń bireýi 3 jasta, ekinshisi 6 jasta bolǵan. Taǵy ekeýi oqıǵa ornynan jedel járdemmen balalar stasıonaryna jetkizildi, olardyń denesinde kóptegen jaraqat bar. Qazirgi ýaqytta eki bala da jansaqtaý bóliminde jatyr. Dárigerler olardyń jaǵdaıyn aýyr dep baǵalap otyr», dep habarlady qala ákimdiginiń baspasóz qyzmeti.
№2 Kópbeıindi qalalyq balalar aýrýhanasynyń travmatolog-dárigerleri mundaı jaǵdaılardyń jıilep ketkenin aıtyp, ata-analarǵa saq bolýdy eskertti.
«О́kinishke qaraı, eresekterdiń salǵyrttyǵynyń saldarynan balalardyń densaýlyǵyna úlken zııan kelip qana qoımaı, qaıtys bolyp ta jatyr. Aýyr halde túsken balalardy kórgende: «Mundaı jaǵdaıǵa eresekter qalaı jol berdi? Nege bala qaraýsyz qaldy?» degen suraqtar týyndaıdy. О́kinishke qaraı, bıikten qulaý faktileri jyldan-jylǵa kóbeıip keledi. Jyl basynan beri túrli bıikten qulaǵan 51 bala bizge jetkizildi. Olardyń tórteýi alǵan jaraqatynan stasıonarda qaıtys boldy», dep málimdedi travmatolog-dárigerler.
Aıta keteıik, balalardyń qulaýyna kóbinese terezege ornatylǵan masaǵa qarsy tor sebep bolady. Kóp jaǵdaıda balalar dál osy torǵa súıenip, qulap ketedi.
«Masaǵa qarsy torǵa eshqashan senbeńizder. Olar qulaýdan qorǵaıtyn qural emes. Qurmetti ata-analar, balańyzdy bir sátke nazardan tys qaldyrý aýyr zardaptarǵa ákelýi múmkin», dep eskertti Qoǵamdyq densaýlyq saqtaý basqarmasy.
Qalalyq densaýlyq saqtaý basqarmasynyń málimetinshe, 2025 jyldyń alǵashqy alty aıynda elordala 60 bala terezeden qulap ketken. Olardyń toǵyzy jedel járdem kelgenge deıin kóz jumǵan.