Sahnada – «Ázim áńgimesi»

Naz» memlekettik bı teatry – elimizde ashylǵan alǵashqy kásibı bı teatry. 2007 jyldyń 1 naýryzynda elorda ákiminiń sheshimi­­men Astana qalasy ákimdiginiń «Naz» memlekettik bı teatry bolyp óz aldyna shańyraq kóterdi. Teatr­dyń irgetasyn qalaǵan kásibı horeo­graftar – Erkebulan jáne Qadısha Aǵymbaevtar.Atalǵan qoıylym hakimniń aıaqtalmaı qalǵan shyǵarmasy «Ázim áńgimesi» ertegisiniń je­li­simen sahnalanyp otyr. Abaı «Myń bir tún» áńgimesiniń bir taraýyn óleńge aınaldyrady. Bel­gili ǵalym Qajym Jumalıev: «Myń bir túnde» mundaı ǵajaıyp oqıǵalar san ret kezdese beredi ǵoı. Áıtse de, «Ázimniń» olardan bir aıyrmasy – alhımııa má­selesiniń sóz bolýy», dep jazady. Ázimge kezdesken jádigóı shal tárizdi sum-surqııalar ǵalym­dardyń ashqan ǵylymı jańalyq­taryn ózderiniń baıý múddesine paıdalanýy, ol úshin neshe túrli zymııandyqqa barýy múmkin. Jádigóı shal – solardyń biri. О́miriniń eń qyzyǵy, eń negizgi maq­saty baıý ǵana dep uǵyný­shy­lar qandaı da bolsyn zulymdyq is-áreketterden de taıynbaıdy. Ezdik te, qanypezer qarajúrektik te olarǵa buıym emes. Poema­da­ǵy alhımık Jádigóı shal óziniń zymııandyq maqsatyn oryndaý úshin Ázimdi qolyna aldap túsi­redi de, taý basyna, ysyldaǵan ábjylan, aıdaharlardyń ishin­de qaldyrady. Biraq olar bı so­ńynda kenetten eki jaqqa aırylysyp ketedi.Únemi shyǵarmashylyq izde­niste júretin, jańashyl kóz­qarasymen tanymal teatr dırek­tory, horeografııa óneriniń maıtalmany Erkebulan Aǵymbaev «Ázim áńgimesi» taqyrybyna uzaq jyl boıy tolǵanyp kelgen. Sondaı tolqynys pen da­ıyndyqtyń, sheberliktiń nátı­jesinde ulttyq rýh pen zamanaýı horeografııanyń úılesken, kórkemdik qundylyǵy zor týyndy sahnaǵa keldi.

Qoıylym Abaıdyń rýhanı murasyn, tereń fılosofııa­syn bı óneri arqyly kórermenge jet­kizý­di maqsat etedi. Spektakl­de árbir qımyl, árbir qadam tereń ma­ǵynaly, rámizge toly. Shyǵar­­ma­shylyq top ta osal emes. Qoıýshy horeograftar – S.Dúzbaev, A.Beglova, U.Izenaev, M.Baı­býlova, qoıýshy rejısser – Qazaqstannyń eńbek sińirgen qaıratkeri, bas baletmeıster Qadısha Aǵymbaeva. Osydan shırek ǵasyr buryn ­As­tana qalalyq fılarmonııasy­nyń janynan tórt bıshi qyz­dan shaǵyn ansambl bolyp qurylǵan aıtýly óner ordasy tynymsyz eńbek pen úzdiksiz izdenistiń arqasynda búginde 130-dan asa qyzmetkeri bar qazaq teatr tarıhyndaǵy tuńǵysh ári óz kásibı qoltańbasy qalyptasqan ulttyq bı teatryna aınalyp otyr.О́ner ujymy elordamyzdyń mádenı-rýhanı damýyna zor úles qosyp qana qoımaı, elimizdiń mádenı keńistiginiń jańa beles­ke kóterilýine de erekshe áser etti. Dástúrli qazaq bı ónerin damytý, ulttyq folklor men etnografııany keńinen nasıhattaýdy murat tutqan ujymnyń óner álemindegi orny aıryq­sha. Osy qıyn da qyzyqqa toly 25 jyldyq shyǵarmashylyq jolda teatrdyń negizin qala­ǵan Erkebulan men Qadısha Aǵymbaevtardyń eńbegi eren.XXV maýsymnyń aıaqtalýymen qatar, teatr ujymy jańa shyǵar­mashylyq belesterge qadam basyp otyr. Jazǵy demalys kezinde óner ujymy Qytaı Halyq Res­pýb­lıkasyna gastroldik saparǵa at­tanady. Al demalys aıaqtalǵan soń, teatrǵa jańadan qabyldanǵan jastar daıyndyqqa kirisip, re­pertýardaǵy bıler men spektakl partııalaryn meńgeretin bolady.Jyldy tabysty aıaqtaǵan «Naz» teatrynyń aldaǵy maý­sym­nan kúter úmiti úlken. Kórer­menniń qoshemeti men ystyq yqylasy – ­teatr ujymynyń shabytyn arttyryp, shyǵarmashy­lyq izdenisterin odan ári jalǵas­tyrýǵa serpin bereri sózsiz.