Tehnıkalyq jáne kásiptik bilim berý uıymdary stýdentteriniń respýblıkalyq sleti Aqmola oblysyndaǵy «Baldáýren» oqý-saýyqtyrý ortalyǵynyń fılıalynda shildeniń 21-23 kúnderi aralyǵynda ótedi. Oǵan eldegi barlyq óńirden 100 jumysshy mamandyq ókili qatysady, dep jazady Egemen.kz.
Oqý-aǵartý mınıstrliginiń bastamasymen Jumysshy mamandyqtar jyly aıasynda uıymdastyrylǵan slettiń maqsaty – jumysshy mamandyqtardyń bedelin arttyrý, jastardyń kóshbasshylyq áleýetin jáne kásibı daǵdylaryn damytý. Qatysýshylar qazirgi eńbek naryǵynyń syn-qaterlerin talqylap, jumysshy mamandyqtar boıynsha mansaptyq ósý múmkindikterimen tanysady.
Oqý-aǵartý mınıstrliginiń málimetinshe slet baǵdarlamasyna motıvasııalyq kezdesýler, sheberlik sabaqtar, tájirıbelik sessııalar men komandalyq belsendilikter kiredi. Ásirese ózin-ózi tanyta bilý, synı jáne kreatıvti oılaý, toppen jumys jasaý jáne qarqyndy ózgerip jatqan kásibı ortaǵa beıimdelý daǵdylaryn damytýǵa erekshe nazar aýdarylady.