Búginde bıznesti memlekettik qoldaýdyń talap etiletin birneshe túri bar. Solardyń biri – keshendi baǵdarlama sheńberinde iske asatyn bıznestiń jol kartasy men qarapaıym zattar ekonomıkasy. Qazir jol kartasy negizinde daıyndalǵan baǵdarlamanyń arqasynda kásipkerdiń tusaýy aǵytylyp, órisi keńı tústi.
Kásipkerlikti damytý – ekonomıkanyń turaqty ósýiniń mańyzdy faktorlarynyń biri. О́tken jyldyń 4 toqsanynda IJО́-degi ShOB úlesi 39,7%-dy qurady. Bul burnaǵy jyldyń sáıkes kezeńimen salystyrǵanda 3,2 paıyzdyq tarmaqqa artyq. Sektorda jumyspen qamtylǵandar sany 2,2%-ǵa artyp, 4,4 mln adamǵa jetip otyr. ShOB sýbektileriniń ónim shyǵarý kólemi 81 trln teńgeni qurady, al bul ótken jyldyń osy kezeńindegi kórsetkishinen 19,2%-ǵa joǵary dep aýyz toltyryp aıta alamyz.
«Damý» qorynyń qatysýymen iske asatyn kásipkerlikti qoldaýdyń qoldanystaǵy keshendi is-sharasy sheńberinde «Bıznestiń jol kartasy» men «Qarapaıym zattar ekonomıkasy» baǵdarlamalarynyń quralyn belsendi iske asyrý jalǵasyp jatyr», dedi Ortalyq kommýnıkasııalar qyzmetinde ótken baspasóz máslıhatynda Ulttyq ekonomıka mınıstrligi Kásipkerlikti memlekettik qoldaý jáne qorǵaý departamentiniń dırektory Daryn Ábdýáli.
Ol brıfıngte eldegi shaǵyn jáne orta bıznesti memlekettik qoldaýdyń negizgi nátıjeleri men jańa sharalary týraly aıta kelip, ótken jyldyń qorytyndysy boıynsha kredıtterdi sýbsıdııalaý arqyly jeńildetilgen qarjylandyrý sharalarymen jalpy somasy 1 trln teńgege 7 myńnan astam bıznes-joba qamtylǵanyn jetkizdi.
Onda kepildikter 310 mlrd teńge somasyna 8 myń jobaǵa berilipti. Endi bıyl osy maqsattarǵa 275,2 mlrd teńge, onyń qatarynda respýblıkalyq bıýdjetten 196,4 mlrd teńge jáne jergilikti bıýdjetterden 78,8 mlrd teńge baǵyttaý josparlanyp otyr. Jobalardyń deni Almaty, Astana, Shymkent qalalarynda ekenin aıtqan jón. Sondaı-aq Almaty, Túrkistan jáne Aqtóbe oblystarynda iske asyryldy.
Salalar boıynsha óńdeý ónerkásibi, kólik jáne qoımalaý men bilim salalary basym. Qarjylyq emes qoldaý sharalary da belsendi damýdy jalǵastyrýda. Byltyrǵy jyly 15 myń servıstik qyzmet kórsetildi jáne bıznesti júrgizý boıynsha 135 myńnan astam konsýltasııa usynyldy.
Qoldaý Kásipkerlerge qyzmet kórsetý ortalyqtary arqyly da, onlaın-mamandandyrylǵan portal arqyly da kórsetiledi. Qoldaýdyń neǵurlym naryqtyq tetikterine kóshý sheńberinde Keshendi baǵdarlamaǵa ózgerister engizildi. Atap aıtqanda, portfeldik sýbsıdııalaý men «Damý» qory bazasynda jańadan qurylatyn óńirlik kepildik qorlary arqyly kepildik berý.
Qarjylandyrý týraly sheshimderdi qabyldaý jónindegi ókilettikti tikeleı ekinshi deńgeıdegi bankterge berý basty jańalyq bolyp tabylady. Bul ótinimderdi qaraýdy jedeldetý men bıznesti qoldaý tıimdiligin arttyrýǵa múmkindik beredi.
«ShOB sýbektilerine jyldyq 12,6% mólsherlemesimen jeńildetilgen qarjylandyrýdyń jańa baǵdarlamasy qosymsha ázirlenip jatyr. Nesıeler qosa qarjylandyrý tetikteriniń qatysýymen ekinshi deńgeıdegi bankter arqyly beriletin bolady. Maksımaldy lımıt bir qaryz alýshyǵa nemese baılanysty qaryz alýshylar tobyna 7 mlrd teńgege deıin bolady», dedi Daryn Ábdýáli.
Munymen birge departament dırektory memleket budan bylaı shaǵyn jáne orta bıznesti qoldaýdy dáıekti túrde kúsheıtip, qarjylyq jáne qarjylyq emes quraldarǵa qoljetimdilikti keńeıtip, kásipkerlik belsendilik úshin qolaıly jaǵdaı týǵyzatynyn atap ótti.