Memleket basshysy Qasym-Jomart Toqaevtyń azamattardy úzdiksiz jylýmen qamtamasyz etý jónindegi tapsyrmasyn iske asyrý aıasynda ınfraqurylym júıeli túrde jańǵyrtylyp jatyr. Oral qalasynyń 3,9 shaqyrym magıstraldy jylý jelisin jańǵyrtý jumysyn aıaqtaýǵa Úkimet rezervinen 2,5 mlrd teńge bólindi.
Oral qalasyndaǵy №2 jylý magıstralin rekonstrýksııalaý jobasy sheńberinde JEO kollektorynan bastap «Sıtı Sentr» saýda úıi mańaıyna deıin tómenge túsirý boıynsha qurylys-montajdaý jumystary 2024 jyly bastaldy. Jylý magıstraliniń bul ýchaskesi 1987 jyly paıdalanýǵa berilgen. Osy kezeńde kótergish temirbeton konstrýksııalary, bekitý armatýrasy birshama tozdy.
Oblys ákimdiginiń málimetinshe, atalǵan ýchaskede jańǵyrtý jumystary 2025–2026 jyldary jylytý maýsymy bastalǵanǵa deıin aıaqtalady. Jobany júzege asyrý jylý jelileriniń tozýyn azaıtýǵa, ystyq sý berýdiń ótkizý qabiletin arttyrýǵa jáne paıdalaný shyǵyndaryn azaıtýǵa múmkindik beredi.
Jalpy, Oral qalasynyń jylý magıstraldy jelileriniń uzyndyǵy – 249 shaqyrym. Nysan ótken ǵasyrdyń 70-80 jyldary paıdalanýǵa berilgen. Qazirgi ýaqytta tozý deńgeıi 50%-dy quraıdy. Infraqurylymdy jańǵyrtýǵa erekshe kóńil bólinýde. Jóndeý jumystary jalǵasyp jatyr.