Azııa men Eýropa arasyndaǵy tarıhı baılanys qashanda ózekti. Ol Abaı zamanynda da, Alash kezeńinde de, M.Áýezov álemge tanylǵan shaqta da dilgir, mańyzdy edi. Jalpy, Túrkııa – eki qurlyqty jalǵaǵan mádenıeti tereń el. Sondyqtan álemdik mádenı yqpaldastyqty arqaý etip túrli shara ótkizip turady. «The Tourism Cartoon Competition» atty halyqaralyq karıkatýra baıqaýynyń kezekti maýsymy qorytyndylandy.
Atalǵan baıqaý týrızmniń qoǵamdaǵy rólin, mańyzyn jáne zamanaýı máselelerin karıkatýra arqyly beıneleý maqsatyn kózdeıdi. Satıra men ıýmordy úılestire otyryp, týrıstik tájirıbe men salanyń ózekti taqyryptaryn kórsetetin shyǵarmalar joǵary baǵalanady.
Aıta keteıik, baıqaýdy Túrkııadaǵy Anadolý ýnıversıteti, Týrızm karıkatýralary murajaıy jáne basqa da seriktes uıymdardyń qoldaýymen uıymdastyrylyp otyr.
Eske salaıyq, atalǵan baıqaý «2024 jyly Ystanbulda týrıst bolý» atty taqyrypta ótken edi. Qazaqstannyń belgili sýretshi-karıkatýrısi Ǵalym Smaǵululy Fehmi Köfteoğlu atyndaǵy arnaıy júldege ıe boldy», degen súıinshi habardy estip otyrmyz.