Kókshedegi kemeńger toıy

Qopa kóliniń jaǵalaýyna salynǵan jaǵajaı – qazir qala turǵyndarynyń maqtanyshy. Taıaýda ǵana tolyq aıaqtalyp, paıdalanýǵa berilgen. Abaı toıy osy jerde ótkizildi. Kún sál ǵana jelkem, kúmis kól­­diń maıda tolqyndary da­nysh­panǵa degen el kóńilin­deı tebirene tolqyp jatyr. Ja­ǵalaý boıy birneshe bó­lik­ke bólingen. Ár tusynda ár­túrli taqyrypta is-sharalar uıym­dastyryldy. Barlyǵy top­tasa kele Abaı shyńyn bıikte­tip, tamasha taǵylymyn arttyrdy.

– Jarty jyl ishinde eki myńnan astam mazmundy shara ótkizdik, – deıdi oblystyq má­denıet basqarmasynyń bas­shysy Aıgúl Sábıtova. – Búgin jaǵalaýdaǵy Arbat shy­ǵar­mashylyq ujymdardyń kórermen nazaryna usynǵan ádemi án, kúmis kúıimen kómke­rilip tur. Oblystaǵy teatr­lar, fılarmonııa, fol­klor­lyq ansamblder, mýzeıler men kitaphana ujym­dary úlesterin qosyp jatyr. О́sip kele jatqan jetkinshekter qanshalyqty qýatty ekenin kórsetedi. Uly oıshyldyń ómir­sheń óleńderi men qarasózderi búgingi za­man­das­ta­­ry­myzdyń rýhanı keńistigin sáýle­lendire túspek.

Arbat jeti bólikke bólin­gen eken. Alǵashqysynda «О́leń – sózdiń patshasy» taqyry­byndaǵy músháıra. Oǵan aıtý­ly aqyndar qatysyp, Abaı­dyń uly murasynyń jeli­sin jalǵastyrdy. Kelesi alańda jas sýretshiler «Jyl mezgilderi» dep atala­­tyn baıqaýda baq synady. Ob­lystyq Maǵjan Juma­baev atyndaǵy ǵylymı-ámbe­bap kitaphanasynyń bólim meńgerýshisi Aınur О́te­bae­vanyń aıtýynsha, sýretshiler qaýymy Abaı óleńindegi tabıǵat kórinisin qylqalam ushymen beınelegen. 6-17 jas aralyǵyndaǵy talapkerlerden túsken 140 kartına saraptalyp jatyr. Qylqalam sheberleri Qosshy, Qoıandy, Stepnogr, Kókshetaý, Kras­noıar, Aqkól jáne Atbasardan kelgen. «Abaı portreti» atalymy boıynsha birinshi oryndy Qosshy qalasynan kelgen 17 jastaǵy oqýshy Nazar Kobelev ıelendi. Dál osy jerde kitap kórmesi uıymdastyrylypty. Onda arhıv materıaldarymen qatar, sırek kezdesetin qujat­tar da qoıylǵan.

«Sheberlik shahary» bó­liginde qoldanbaly-sándik óner sheberleriniń kóz jaýyn alatyn týyndylary qoıyl­ǵan. Nurjan Dálmanov, Baq­shagúl Baıdolla, Uljalǵas Qarym­saqova, Gúlnar Serikjanova tárizdi has sheberler Alash jurtynyń san ǵasyr boıy jalǵasyp kele jatqan qolóner týyndylaryn usyndy.

Folklorlyq ansamblder festıvali tyńdarman qaýym nazaryn aýdarǵan taǵylymdy, mazmundy shara­­nyń biri ári biregeıi edi. «Abaı – dana, Abaı – dara» dep atalatyn taqyryp aıasynda óńirdiń úzdik ujymdary óner kórsetti.

«Ándi súıseń, menshe súı» dep atalatyn baıqaý aıasynda óńirdegi án áleminiń jar­qyn ókilderi óner kórsetip, kópshilik kóńilin baýrady. Eń este qalarlyǵy, «Danalyq bastaýy – Abaı» dep atalatyn halyq teatrlarynyń festıvali edi. Oǵan «Aqmol», «Shejire», «ArARTe» teatrlary qatysyp, «Abaıdyń Bir­jan salmen kezdesýi» ispetti tarıhı taǵylymy mol sátti qaý­zaǵan kórinis qoıdy.

– Bul bir esten ketpes ǵajap mereke boldy, – deıdi qala turǵyny Esenbaı Kereev. – Ásirese jas tolqyn kemeńger ónegesimen rýhtanyp, tanym-taǵylymyn keńeıte tústi. Ult mádenıeti men ónerine, dástúri men saltyna sýsyndap, tańdaı qaǵystyq.

Kókshetaý