Segiz jastaǵy Aıdyn Bekjanuly uıaly telefondardy tolyq buzyp, qaıta jınaı alady. Buzylǵanyn jóndep, talaı tutynýshynyń alǵysyn alyp úlgergen jas sheber Túrkistan oblysy Keles aýdanynyń ortalyǵy Abaı aýylynda turady.
О́zbekáli Jánibekov atyndaǵy mektep-gımnazııasynyń oqýshysy jazǵy demalysynda osylaısha ákesine qolǵabys etip júr. Bıyl tórtinshi synypqa baratyn Aıdyn telefondaǵy tehnıkalyq aqaýlardy ózdiginen anyqtap, jóndeýdi úırenip alǵan. Ákesi – Bekjan О́tenov Abaı aýylynda 4-5 jyldan beri qalta telefonyn jóndeýmen aınalysady. Shaǵyn sheberhanasy bar. Ákesiniń aıtýynsha, balasynyń sheberligine keıde ózi de tańǵalady eken. Kásibin úıretip, sheberligin shyńdap júrgen Bekjan ulynyń erteńgi kúni zamanaýı tehnologııany meńgergen ınjener bolyp shyǵatynynan úmitti. Aıdynnyń zerektigi men tehnıkaǵa degen qyzyǵýshylyǵyn, qabiletin erte ańǵarǵan ata-anasy baǵyt berip, damýyna múmkindik jasap kele jatqanyn aıtady.
Túrkistan oblysy