Tanymal aıtysker aqyn Orazaly Dosbosynovtyń uly Nursultan áleýmettik jelidegi paraqshasynda jan tebirenterlik jazba qaldyrdy. Ol ata-anasyn qatty saǵynatynyn aıtyp, jańa shyǵarmashylyq jolǵa bet burǵanyn málimdedi, dep habarlaıdy Egemen.kz.
«Men – Orazaly Dosbosynov pen Ajar Túzelekqyzynyń uly, Nursultan Dosbosynov. Qazir NRS degen atpen rep janrynda ózimdi synap júrmin. Tyńdarmandarymdy qýantyp, jańa týyndylar usynýǵa nıettimin. Sonymen qatar blog júrgizip, ómirimniń mańyzdy sátterimen bólisip otyrmaqpyn. Qoldaý bildirip, birge bolaıyq», – dep jazdy ol.
Nursultan Dosbosynov qazir ózin rep oryndaýshy retinde NRS atymen tanytyp, shyǵarmashylyǵyn damytyp jatyr. Ol áleýmettik jeli arqyly tyńdarman qaýymymen baılanys ornatyp, jańa baǵyttaǵy ónerin tanystyrýdy maqsat etken.
Nursultannyń aıtýynsha, ol áke-sheshesin qatty saǵynady. Sondyqtan da olardyń kózin kórgen aǵaıyn-týys, aǵa-ápkelerine amandyq tilegen.
Jeli qoldanýshylary jas óner ıesine jyly lebizderin bildirip, ata jolyn jalǵastyrǵanyna qýanyshty ekenin jazyp jatyr. Kópshiligi Nursultannyń ónerin qoldap, tyńdarmandar qataryn arttyrýǵa nıetti.