Sıfrlyq shtabtyń otyrysy

Kún tártibinde tórt másele qaraldy. Sıfrlyq damý, ınnova­sııalar jáne aeroǵarysh óner­kásibi mınıstri Jaslan Mádıev baıandama jasady. Jıyn­nyń qorytyndysynda Sıfr­lyq shtabtyń sheshimimen, memleket­tik organdardyń aqparattyq júıelerin ıntegrasııalaýdyń ke­shendi jospary men jasandy ıntellekt derekter massıv­terimen jumys isteý reglamenti jáne ony júzege asyrý jospary bekitildi.

Sondaı-aq Smart Data Ukimet memlekettik derekterdi biriktirý boıyn­sha jumystaryn aıaqtaýdyń merzim­deri anyqtaldy. Jańa heshteý ádisin qol­danatyn ıntegrasııa aldaǵy 1 qyrkúıekke deıin aıaqtalýy kerek, al barlyq derek osy jyldyń 1 jeltoqsanyna deıin platformaǵa berilýge tıis. Oǵan qosa 15 qyrkúıekke deıin memlekettik organdar qyzmetkerleriniń AITU ulttyq messendjerine kóshýi kerek.

Premer-mınıstr qabyl­danǵan qujat­tardy sapaly ári ýaqtyly iske asyrýdyń mańyzdylyǵyn aıtty.

«Memleket basshysy Qazaq­stan Eýra­zııa­­daǵy sıfrlyq habqa aınalýǵa tıis de­gen maq­satty alǵa qoıyp otyr. Naqty min­­det­ter belgilendi. Búginde Sıfr­lyq shtab bar­­lyq memlekettik organ men uıym­dar úshin mindetti sheshimder qabyldady. Nátı­­je aqparattyq qaýipsizdikti jaqsar­tý men mem­lekettik apparattyń tıim­dili­gin arttyrýǵa baǵyt­talǵan», dedi Oljas Bektenov.

Memlekettik organdardyń aqparattyq júıelerin ınte­gra­sııalaýdyń keshendi jos­­pary negizinde 224 aqparat­tyq quram­das alań qury­lady. Bul ıntegra­sııa úshin eńbek shyǵyndaryn azaıtýǵa, fýnk­sıonaldyq jáne statıstıka­lyq aıyrmashylyqtar turǵysy­nan aqparattyq júıelerdiń qaıtalaný máselesin sheshýge múmkindik beredi. Búginde «elektrondyq úkimet» aıasynda memlekettik organdar men kvazımemlekettik sektor uıymdarynyń 355-ten astam aqparattyq júıeleri men veb-resýrstary jumys isteıdi.

Jasandy ıntellekt derekter massıv­terimen jumys isteý erejesi men ony júzege asyrý jospary bekitildi. Qujat JI tehnologııalaryn damytý úshin derekter qoryn qalyptastyrý máselesin qarastyrady. Bul erejeler aqparatty jınaý, tekserý jáne qurylymdaýdyń biryńǵaı standarttaryn qarastyrady.

Smart Data Ukimet platforma­synda mem­­lekettik derbesten­diril­megen derekterdi top­­taý boıynsha jumys sheńberinde Smart Data Ukimet-ke mindetti túrde kóshirýge ja­ta­tyn derekter bazalarynyń tizimi bekitildi.

Jıynda AITU ulttyq messend­­jerin keń aýqymda engizý má­selesi qaraldy. Onyń qanatqaqty jumysy Sıfr­lyq damý, ınnovasııalar jáne aero­ǵarysh ónerkásibi mınıstr­ligin­de kórsetildi, endi atalǵan qyzmet memlekettik organdar men kvazımemlekettik sektor uıym­darynyń barlyǵyna engiziledi.