Bul týraly búgin Prezıdent keńesshisi – Baspasóz hatshysy Rýslan Jeldibaı habarlady, dep jazady Egemen.kz.
«Búginnen bastap Aqorda resmı jańalyqtaryn Aitu ulttyq messendjerinen de oqı alasyzdar», delingen habarlamada.Arnaǵa silteme: @aqorda_official
Aıta keteıik, Prezıdent Qasym-Jomart Toqaev jasandy ıntellekt damýyna baılanysty jańa qaýipter paıda bolǵanyn aıtyp, derekterdi basqarý men kıberqaýipsizdikti kúsheıtý maqsatynda Úkimetke jeke derekterdi qoldanatyn barlyq kommýnıkasııany qorǵalǵan ulttyq messendjerge kóshirý máselesin pysyqtaýdy tapsyrǵan bolatyn.
«Bul platformalarda jeke sáıkestendirý nómirin, azamattardyń densaýlyǵy týraly málimetti jáne basqa da derekterdi jıi suraıdy. Mundaı tájirıbe jeke málimetterdi qorǵaý týraly zańnamaǵa qaıshy jáne ulttyq ıýrısdıksııadan tysqary jerge derekterdiń tarap ketýine ákelip soǵady. Qazaqstanda otandyq Aitu messendjeri ázirlendi. Ol tıisti qaýipsizdik deńgeıin qamtamasyz ete alady. Úkimet jeke derekterdi qoldanatyn barlyq kommýnıkasııany qorǵalǵan ulttyq messendjerge kóshirý máselesin pysyqtaýy kerek», dedi Qasym-Jomart Toqaev.
Sondaı-aq, Úkimette ótken sıfrlyq shtab otyrysynda AITU ulttyq messendjerin keń aýqymda engizý máselesi qaralǵan bolatyn. Onyń pılottyq jumysy Sıfrlyq damý, ınnovasııalar jáne aeroǵarysh ónerkásibi mınıstrliginde kórsetildi, endi atalǵan qyzmet memlekettik organdar men kvazımemlekettik sektor uıymdarynyń barlyǵyna engiziledi. Messendjerge kóshý merzimi 15 qyrkúıekke deıin bekitildi.