Boxingscene.com jáne RingTV sekildi BAQ-ta qyzmet etetin amerıkalyq jýrnalıst Fransısko A. Salasar qazirgi kezde kóptegen boksshylar rıngte kezdesýdiń ornyna bir-birimen áleýmettik jelilerde aıtysyp júrgenine teris kózqarasyn bildirdi, dep habarlaıdy Egemen.kz.
Ol mundaı «jaǵymsyz mysaldardyń» biri retinde orta salmaqtaǵy álem chempıondary Jánibek Álimhanuly men Karlos Adames arasyndaǵy jelidegi pikir-talas ekenin aıtty.
«Áleýmettik jelidegi qaqtyǵystar Shakýr Stıvenson men «Tank» Devıs arasynda bastaldy, keıin Jánibek Álimhanuly men Karlos Adames arasynda órbidi. Al qazir – Ksander Zaıas pen Vıordjıl Ortıs.Boksshylar bir-birimen rıngte emes, áleýmettik jelide aıqasqanda bul jankúıerlerdi jıirkendirip, sportqa zııanyn tıgizedi» –dep jazdy Salasar óziniń H jelisindegi paraqshasynda.
Aıta keteıik, Jánibek Álimhanuly sońǵy jekpe-jegin 2025 jylǵy 5 sáýirde Astanada ótkizip, fransýz boksshysy Anaýel Ngamıssengeni (14-1, 9 KO) 5-raýndta nokaýtpen jeńgen bolatyn. Sonymen qatar bul salmaq dárejesinde kýbalyq Erıslandı Lara (31-3-3, 19 KO) da chempıon.
Álimhanuly Adameske jekpe-jek ótkizý úshin kelisimshart jiberilgenin, alaıda domınıkandyq boksshy usynysty qabyldamaǵanyn aıtqan.