1980 jyly AQSh-tyń soltústik-batysyndaǵy Sent-Helens janartaýynyń joıqyn atqylaýy kezinde fotograf Robert Landsbýrg birneshe apta boıy tabıǵat ózgeristerin sýretke túsirip júrgen edi. 18 mamyr kúni tóńirekti tútin men ot sharpyǵanda, Robert qashyp qutyla almaıtynyn tolyq túsingen.
Biraq ol sońǵy sátine deıin óz jumysyn toqtatpaı, túsirgen kadrlaryn sómkesine salyp, ústin óz denesimen jaýyp úlgeripti. 17 kúnnen keıin qutqarýshylar Roberttiń denesin kúl-topyraq astynan tapqanda, kamerasy bútin kúıinde saqtalǵan eken. Al sýretteri ǵalymdarǵa janartaýdyń atqylaý barysyn zertteýge taptyrmas derek boldy.