ASTANA. 23 maýsym. Túrkııanyń bir turǵyny óz úıiniń astynan budan myń jyl buryn tirshilik etken tutas qalanyń qurylysyn tapty. Bul týraly islam-today.ru saıtyna silteme jasap ras.kz habarlady.
Ǵalymdardyń paıymynsha, derınkýıý, ıaǵnı «tereń qudyq» – jer asty qalasynda sol zamanda 20 myń adam turǵan. Ol 60 metr tereńdiktegi segiz deńgeıli keshen bolyp shyqty. Biraq ol jerasty qalasynyń bir bóligi ǵana eken, qalǵan bólikteri áli qazylmaǵan.
Jerdiń astyndaǵy qalanyń ornyn arshyp alý tym qıynǵa túspegen. Jurt sodan keıin óz otbasylarymen sonda baryp tura bastaǵan. Al Derınkýıýdiń qurylysy Vızantııa dáýirinde, VII-VIII ǵasyrlarda salynyp, keńeıtile túsken kórinedi.
Qalanyń birinshi deńgeıinde at qorasy, júzim syǵatyn apparat jáne úlken kúmbez turǵan. Odan góri tereńirekte turǵyn jaılar, asúı men shirkeý bolǵan.
Túrkııadaǵy Nevshehır qalasy bekinisi janynda júrip jatqan qurylys jumystary barysynda 2014 jylǵy jeltoqsanda taǵy bir jerasty qalasy tabyldy. Arheologtardyń aldyn ala málimetteri boıynsha, tabylǵan kóne qala budan bes myń jyl buryn tirshilik etken. Onyń jerasty galereıasynyń uzyndyǵy keminde 7 shaqyrym bolǵan, al aýdany 45 gektar dep sanalyp otyr.
Jańadan tabylǵan jerasty qalasyn arshyp alý jumystary áli jalǵasyp jatyr.
Talǵat Raıymbek.
Derek, sýret: ras.kz.