Qazaqstandyq pedagogterdiń sıfrlyq quzyrettiligin damytý maqsatynda jańa oqytý jobasy iske qosyldy. Jańa oqý jyly qarsańynda ustazdardyń kásibı biliktiligin qazirgi zaman talaptaryna saı jetildirý úshin QR Oqý-aǵartý mınıstrligine qarasty «О́rleý» biliktilikti arttyrý ulttyq ortalyǵy IýNESKO-men seriktestikte arnaıy baǵdarlama ázirledi. Ol halyqaralyq tájirıbe negizinde jasalyp, qazaqstandyq bilim berý júıesine beıimdelgen, dep habarlaıdy Egemen.kz.
Kýrstyń mazmuny aıasynda pedagogter:
Jasandy ıntellekt quraldaryn tıimdi ári etıkalyq turǵyda qoldanýdy; Sapaly prompt jazý tásilderin; Sabaq josparyn qurý ádisterin; Testiler men oqý materıaldaryn ázirleýdi; Illıýstrasııalar jasaýdy; Oqý mazmunyn jetildirý men oqýshylardyń qyzyǵýshylyǵyn arttyrý joldaryn úırenedi.Oqý-aǵartý mınıstrliginiń habarlaýynsha, baǵdarlamanyń basty maqsaty – jasandy ıntellektini muǵalimniń ornyn basatyn qural retinde emes, kásibı mindetterin jeńildetip, shyǵarmashylyqqa kóbirek ýaqyt bólýge múmkindik beretin kómekshi retinde paıdalaný.
Aıta keteıik, «О́rleý» ortalyǵy uıymdastyrǵan bul tegin kýrstarǵa pedagogter reg.orleu.edu.kz saıtynda tirkelip, LMS platformasy arqyly qatysa alady. Bir aptanyń ishinde 100 myńǵa jýyq muǵalim bilim alyp, olardyń jartysyna jýyǵy sertıfıkat ıelengen.