Búgin Atyraý qalasyndaǵy eki mekteptiń oqýshylary sabaqty onlaın oqýǵa jiberildi. Buǵan sý qubyryndaǵy apatty qalpyna keltirý jumysy sebep bolǵan, dep habarlaıdy Egemen.kz.
«Atyraý oblysy Sý Arnasy» KMK-nyń aqparatyna qaraǵanda, «Nursaıa» shaǵyn aýdanyndaǵy birneshe qópqabatty úıler men áleýmettik nysandarǵa sý berý ýaqytsha toqtatylǵan.
«D-315 mm sý qubyrynda apatty qalpyna keltirý jumysy júrgizilýine baılanysty «Nursaıa» shaǵyn aýdanynda ornalasqan sorǵy stansalarynyń jumysy ýaqytsha toqtatylady. Osyǵan oraı 3 qyrkúıek kúni saǵat 10:00-den 20:00-ge deıin turǵyn úıler men nysandarǵa sý berý toqtatylady», dep habarlady kásiporynnyń baspasóz qyzmeti.
Sýdyń toqtatylýyna baılanysty №38 mektep-lıseı men Nazarbaev zııatkerlik mektebiniń oqýshylary sabaqty onlaın formatta oqýǵa jiberildi. Sondaı-aq, №5 balalar men jasóspirimder sport mektebine, «Nursaıa» jáne «Mıras» balabaqshasyna sý berý ýaqytsha toqtatyldy.