Qaraǵandy oblysyndaǵy «Saryshaǵan» polıgonynda «Jaýyngerlik dostastyq – 2025» atty birlesken taktıkalyq oqý-jattyǵýy ótti. Jaýyngerlik atystardy Qorǵanys mınıstri, sondaı-aq Qarýly kúshter túrleri men ásker tekteriniń qolbasshylary baqylap otyrdy, dep jazady Egemen.kz.
Manevrlerge 1500-den astam áskerı qyzmetker, shamamen 200 áskerı jáne arnaıy tehnıka, 30-dan astam ushý apparaty qatysty. Áýe quramynda Sý-30SM joıǵyshtary, Sý-25 ushaqtary jáne túrli tikushaqtar qoldanyldy.
Oqý-jattyǵý barysynda ushqyshtar shartty qarsylastyń áýe qorǵanysyn buzyp ótý, jaqyn qashyqtyqtaǵy áýe shaıqasyn júrgizý, jerústi nysandaryn joıý jáne jappaı soqqyny toıtarý taktıkasyn meńgerdi. Radıotehnıkalyq bólimshelerge barlaý-soqqy drondarymen soqqy jasaldy. SkyLark-1LEX jáne Anka ushqyshsyz apparattary barlaý jáne soqqy maqsatynda paıdalanyldy. Al áýe qorǵanysynda S-300PS, S-125, Býk-M2E jáne TOR-M2K keshenderi jumyldyryldy.
Alǵash ret áýe sanatyndaǵy R-60M zymyrandary synaqtan ótkizilip, olardyń dáldigi rastaldy. Sondaı-aq áskerı oqý oryndarynyń kýrsanttary qurastyrǵan jańa drondardyń múmkindikteri kórsetildi.
Qarsylastyń ushqyshsyz apparattaryna qarsy «Almaz» radıotehnıkalyq kesheni, «Iаntar» radıoelektrondyq kúres júıesi, «Marjan» spýtnıktik navıgasııany tunshyqtyrý quraly, sondaı-aq «Groza-R2» jáne «Merýert» antıdrondyq qarýlary qoldanyldy. Tómen bıiktikte jasyryn ushatyn nysandardy joıýda «Igla» PZRK keshenderi men «Strela», «Shılka» júıeleri tıimdiligin kórsetti.
Jabylý saltanatynda Qorǵanys mınıstri áskerı bólimderdiń joǵary daıyndyq deńgeıin jáne úılesimdi qımylyn atap ótti. Budan soń avıasııa general-leıtenanty Dáýren Qosanov Saryshaǵan men Prıozersk garnızondaryndaǵy áskerı bólimderge baryp, esep tyńdap, nysandardy aralady. Ol áskerı ınfraqurylymdy saqtaý, qarý-jaraq pen oq-dárilerdi qatań tártippen ustaý jóninde naqty tapsyrmalar berdi.