EL ABYROIYN ASQAQTATQAN

Álem má­de­­nıeti kún­nen kúnge da­myp keledi. Jáne bul úrdis­ke zor yqpalyn tıgizetin jastar qaýymy. Búginde buǵan dálel kóp. Solardyń biri – jýyrda (26 maýsym – 2 shilde ara­lyǵynda) Armenııa as­tanasy Ere­van­da ótken TMD elderi jastary arasyndaǵy VI Delfıı­lik oıyn­dar. Bıylǵy shara 1941-1945 jyl­dardaǵy Uly Otan soǵy­syn­daǵy Jeńistiń 65 jyldyǵyna arnaldy. Álemde eń alǵash ret delfıı­lik oıyndar bizdiń dáýirimizge deıin 582 jyly Grekııada bastalǵan kórinedi. Apollon negizin qalaǵan bul saıys Pıfıılik oıyndar dep atalǵan eken. Sodan keıin ǵana Delfı qalasynda ótkizilgendikten, qazirgi ataýyna ıe bolypty. Negizinen delfıılik oıyndar úsh márte jańǵyrǵan. Alǵash Gre­kııada bastaý alsa, Olımpııa oıyn­dary­men birge 1600 jyl buryn toq­tatylǵan eken. Sodan tek 1927-1930 jyldarda grekter qaıta jan­dan­dyr­ǵan bolatyn. Biraq II dúnıe­júzi­lik soǵys buǵan da óz kedergisin tıgiz­gen-di. Búkil adamzat qoldaı­tyn óner baıqaýy 2000 jyly qaıta jandaný kezeńine aıaq basyp, Más­keýde 27 el­diń qatysýymen Halyq­ara­­lyq del­fıılik oıyndar ótkizilgen edi. Al búgingi tańda osy mádenı shara­nyń zor damyǵany aıdan anyq. Erevanda ótken oıyndar TMD elderin mádenıet jáne óner sal­asynda jaqyndastyryp qana qoımaı, elaralyq baılanystardy nyǵaıtýǵa jol ashty. Aldyn ala elimizdegi barlyq qalalarda ónerli jastar arasynda saıys ótkizilip, myqtylary osy halyqaralyq dodada Qazaqstan namysyn qorǵaý­ǵa múmkindik alǵan edi. Elimizdiń atyn shyǵaryp, óz ónerlerin pash etken jas talanttarymyz el seni­min tolyǵymen aqtady desek, qate­lespeıtinimiz anyq. TMD elderindegi jastar qaýy­myn biriktiretin, birneshe ulttar arasyndaǵy tatýlyq kópiri bolǵan bul dástúrli saıysta Qazaqstan quramasy joǵary belesten kórindi. 19 nomınasııada jarysqa túsken bizdiń jastar olardyń 8 túrinen úzdik nátıjeler kórsete aldy. Aıta­lyq, sırk nomınasııasynda óner kórsetken Dana Rysbekova men Darııa Abdýlahasova altyn medalǵa ıe boldy. Sonymen qatar Beksana Ońdaǵanova ulttyq án aıtý ónerinde úzdik shyǵyp, altynnan alqa taqty. Al Mádına Adamova (“Skrıpka”) men Alfııa Valıtova (“Forte­pıano”) kúmis júldege qol jetkizse, Sabyrjan Júnisbekov (“Dı-djeı”) jáne “Jorǵa” ulttyq bı ansambli úshinshi orynnan kórindi. Basqa da ónerli jastary­myz ár túrli nomı­nasııalarda dıplomdarǵa ıe boldy. Mine, “О́ner – jas ulannan, júı­­rik – taı-qunannan” demekshi, jastarymyzdyń osyndaı halyq­aralyq dárejedegi abyroıly jetistik­teri – eldiń de úlken maqtanyshy. Bı-Bolat SEITAQ, Eýrazııa ulttyq ýnıversıtetiniń stýdenti.