Elimizde ekinshi naryqtaǵy úılerdi rásimdeýge arnalǵan «Sıfrlyq ıpoteka» pılottyq jobasy iske qosyldy. Joba Ádilet jáne Sıfrlyq damý mınıstrlikteriniń birlesken buıryǵymen bekitildi. Endi jyljymaıtyn múlikti satyp alý-satý jónindegi notarıaldyq mámilelerdi tolyqtaı onlaın rásimdeýge bolady, dep jazady Egemen.kz.
Jańa júıe ıpotekalyq nesıege ótinim berýden bastap, turǵyn úıdi rásimdeýge deıingi barlyq prosesti qamtıdy. Azamattar bank saıty nemese mobıldi qosymsha arqyly «Sıfrlyq ıpotekany» tańdap, onlaın kalkýlıatorda úıdiń quny, bastapqy jarna jáne nesıe merzimin engizedi. Aı saıynǵy tólem avtomatty túrde eseptelip kórsetiledi.
О́tinish berýshi JSN men telefon nómirin engizip, SMS arqyly rastaý jasaıdy. Osylaısha kelisimderge qol qoıylyp, satyp alý-satý sharty elektrondy túrde rásimdeledi.
Aıta keteıik, buǵan deıin Freedom Bank «О́rleý» memlekettik baǵdarlamasy aıasynda shaǵyn jáne orta bızneske arnalǵan alǵashqy sıfrlyq kredıtti usynǵan edi. Endi jeke tulǵalar úshin de qoljetimdi onlaın ıpotekalyq ónim paıda boldy.
Bul bastama turǵyn úı naryǵynda rásimderdi jeńildetip, ýaqytty únemdeýge múmkindik beredi.