Qala kúnin qyrkúıektiń úshinshi jeksenbisinde atap ótý almatylyqtar úshin dástúrli shara, dep habarlaıdy Egemen.kz.
Qazirgi sátte qala aýmaǵynda konsertter, kórmeler, fleshmobtar, festıvalder jáne túrli merekelik is-sharalar uıymdastyrylýda. Merekelik baǵdarlamalar Astana alańyndaǵy konsertpen bastaldy.
Qala ákimi Darhan Satybaldy almatylyqtardy jáne megapolıs qonaqtaryn merekemen quttyqtap, «Barshańyzdy shyn júrekten Qala kúnimen quttyqtaımyn! Almaty – Táýelsizdiktiń altyn besigi, elimizdiń jańa dáýiri bastalǵan shahar. Almatynyń basty qundylyǵy – onyń turǵyndary. Sizderdiń eńbekterińiz, bastamashyldyqtaryńyz ben belsendilikterińiz qalamyzdy jarqyn ári qarqyndy damyp kele jatqan megapolıske aınaldyrýda. Biz Almatyny zamanaýı, jaıly ári órkendegen qala etý úshin bar kúsh-jigerimizdi jumsap kelemiz. Memleket basshysy Qasym-Jomart Kemeluly Toqaev bizge birqatar mańyzdy mindet júktedi. Solardyń ishinde ekologııaǵa, qaýipsizdikke jáne qalalyq ortanyń sapasyna aıryqsha mán berilýde», – dep atap ótti.
Darhan Satybaldy atap ótkendeı, bul mindetterdi oryndaý úshin qalada bes negizgi damý baǵyty aıqyndalǵan. Olar – kólikti jańǵyrtý, ekologııany jaqsartý, bıznesti qoldaý, áleýmettik ınfraqurylymdy jańartý jáne turǵyndarmen ashyq dıalogty nyǵaıtý. «Osy basymdyqtardy júıeli júzege asyrý Almatyny shynymen jasyl, qaýipsiz ári ómir súrýge qolaıly megapolıske aınaldyrady.
Qala ákimi merekelik shara kıasynda Alma Fest–2025 festıvaline qatysty. Tuńǵysh Prezıdent saıabaǵynda ótken merekede fermerler 100 tonnaǵa jýyq alma ákeldi. Qonaqtar súıikti sorttarynyń dámin tatyp, túrli kórmeler men ulttyq dástúrlerge toly is-sharalarǵa qatysty. Saıabaq aýmaǵy dástúr boıynsha egin men mádenıettiń úlken merekesine aınaldy. Munda alma jármeńkesi, etnoaımaq, qoldanbaly óner buıymdarynyń jármeńkesi, gastronomııalyq alańdar, balmuzdaq festıvali jáne ashyq aspan astyndaǵy kınoteatr uıymdastyryldy.
Jalpy Qala kúni aıasynda Almatyda mazmundy baǵdarlama ázirlendi. Barlyq aýdandarda ekologııalyq aksııalar, jármeńkeler, fleshmobtar, kitaphanalarda ádebı keshter jáne murajaılarda taqyryptyq kórmeler ótýde. Sondaı-aq, áleýmettik mańyzy bar nysandar ashyldy, sporttyq jarystar men basqa da mádenı ári qoǵamdyq is-sharalar ótip jatyr.
ALMATY