Halyqaralyq áýejaıda demalys kúnderi «Almatynyń sımvoly – syılyqqa» atty aksııa ótti. Sheteldik meımandarǵa hosh ıisti Almaty aporty usynyldy. Is-sharany Qala kúnine oraı Almatynyń Týrızm basqarmasy uıymdastyrdy, dep jazady Egemen.kz.
Aport – jaı ǵana jemis emes. Ol shahar tarıhynan syr shertetin, minezin aıshyqtaıtyn, talaıdyń balalyq shaǵyn eske túsiretin dám. Qalanyń ótkeni men búginin, salty men dástúrin qysqasha áńgimelep bergen sátte almanyń dámi erekshe áser qaldyrdy.
Eki kúngi aksııa aıasynda halyqaralyq reıstermen kelgen 5 myńnan astam jolaýshy osyndaı erekshe syı-sııapatqa ıe boldy. Bireýler úshin bul qazaq mádenıetimen alǵash tanysý bolsa, endi bireýler úshin qaıta oralýǵa sebep bolatyn jyly estelikke aınaldy.
Almatyǵa degen qyzyǵýshylyq artyp keledi: Bıylǵy jyldyń alǵashqy jartyjyldyǵynda qalaǵa kelgen týrıster sany 6,5% ósip, 1 mıllıon 140 myńnan asty. Qalanyń ımıdjin ilgeriletý, aýqymdy is-sharalardy ótkizý jáne áýe qatynasyn keńeıtýdiń nátıjesinde Almatyny óńirdegi eń tartymdy týrıstik ortalyqtardyń birine aınalyp otyr.
ALMATY