Jaqyn ýaqytta Aqsý elektr stansasynda halyqaralyq standarttarǵa sáıkes keletin gıbrıdti súzgiler paıda bolady. ERG jáne qytaılyq Fujian Longking Co., Ltd kompanııalary arasynda energetıka salasy úshinmańyzdy kelisimge qol qoıyldy.
Aqsý energetıkteri Ortalyq Azııadaǵy alǵashqy ınnovasııalyq súzgiler ornatýdy oıǵa aldy.Gıbrıdti súzgi eki bólikten turady: elektrlik jáne jeńdik (qap súzgileri). Aldymen kásiporynnan shyǵatyn shań-tozań elektrli seksııada tazartylyp, keıin jeńdik súzgiler arqyly tolyq súziletin bolady. Bul – qazirgi tańda qoldanystaǵy eń ozyq tehnologııalardyń biri, halyqaralyq talaptarǵa tolyq jaýap beredi.
«Memleket basshysy bıylǵy Joldaýynda: «Tabıǵatty lastamaıtynyna kepildik beretin ozyq tehnologııalardy qoldana otyryp, kómir energetıkasyn damytýǵa erekshe nazar aýdarý qajet» dep atap ótti. Búgin qol qoıylǵan kelisim dál osy mindetke saı keledi. Bul – ERG aksıonerleri bekitken Ekologııalyq strategııanyń júıeli jalǵasy.2023 jyly Qazaqstanda alǵash bolyp «Qazaqstan alıýmınııi» AQ-nyń JEO qazandyǵyna jeńdik súzgi tehnologııasyn engizdik. Sondaı-aq alıýmınıı zaýytynda gıbrıdti súzgilerdi ornatyp, aýa sapasyn jaqsartýǵa úles qostyq. Ondaǵy 15 súzginiń 6-aýyn jańa súzgilerge aýystyrdyq. Tipti súzgilerdi tazartý jumystaryn onlaın túrde efırden tamashalaýǵa bolady. Biz jabdyqtardy emes, tehnologııalardy satyp alyp jatyrmyz. Bul - bizdiń uzaq merzimge baǵyttalǵan ekologııalyq stragegııamyzdyń bir tarmaǵy ǵana. Keleshekte jelden qýat alatyn 150 MVt-tyq týrbınalar salý da josparda tur», dep áńgimeledi ERG-diń Qazaqstandaǵy bas dırektory Serik Shahajanov.
«EEK» AQ bas dırektory Dúısen Merǵalıevtiń aıtýynsha, Fujian Longking Co., Ltd kompanııasymen jasalǵan kelisimshartqa sáıkes, Aqsý elektr stansasyndaǵy №4 jáne №7 energııa blogyna úsh gıbrıdti súzgi ornatylady. Bul súzgiler Ortalyq Azııada alǵash ret energııa óndirýshi kásiporyndarda qoldanylady. ERG bul jobaǵa 13 mlrd teńgeden astam qarjy quıyp, qatty shyǵaryndylardyń úlesin eń ozyq álemdik standarttarǵa saı deńgeıge deıin azaıtýdy kózdep otyr.
«Bir súzgi shamamen 6 myń tonna qaldyqty tutyp qalady. Sonda jylyna 18 myń tonnaǵa deıin qaldyq aýaǵa shyǵarylmaıdy degen sóz. №4 bloktaǵy súzgini 2026-2028 jyldary ornatý josparlanǵan. Al rekonstrýksııadan ótip jatqan № 7 blokqa eki súzgi qoıylady. Ondaǵy súzgilerdi de 2028 jylǵa deıin ornatý josparlanǵan. Mundaı ozyq tehnologııalyq jabdyqtar TMD elderi arasynda alǵash ret qoıylǵaly otyr. Longking kompanııasy mundaı quraldardy osy ýaqytqa deıin 600-den astam kásiporynǵa ornatqan. Stansamyzdaǵy qazirgi istep turǵan súzgilerdi 40 jyldan astam ýaqyt paıdalanyp kelemiz. Al jańa súzgilerdiń paıdalaný merzimi de sondaı bolyp qalady dep shamalaımyz», dedi ol.
Aıta keterligi, Longking kompanııasynyń qorshaǵan ortany qorǵaý tehnologııalarymen aınalysqanyna 50 jyldan asqan. Kompanııa ERG-men birlese otyryp, Qazaqstan energetıkasynda alǵash ret gıbrıdti súzgilerdi engizýge nıettengen.
«Bizdiń tehnologııamyz Qytaıda memlekettik syılyqqa ıe bolǵan. Innovasııalyq tehnologııalarymyz buǵan deıin energetıkadaqoldanylǵan dástúrli tehnologııalar sheshe almaǵan máselelerdiń sheshimin tapty. Bul jobada ERG murjadan shyǵý kezindegi shań-tozańnyń úlesi nebári 20 mıllıgram bolýy kerek degen talap qoıyp otyr.Bul atalǵan kompanııanyń ekologııalyq jaýapkershilikti tolyq sezinip otyrǵanynyń kórinisi dep qabyldadyq. Qazaqstanda kómir generasııasy áli de energııa teńgeriminde mańyzdy orynǵa ıe ekenin baıqaımyz. Al Aqsý elektr stansasyndaǵy joba – bizdiń tehnologııalarymyzdy Ortalyq Azııada qoldanýdyń jańa kezeńi ári kómir energetıkasyn «jasyl» arnaǵa burýdyń aıqyn úlgisi bolmaq. Longking pen ERG seriktestigi arqasynda Ortalyq Azııa energetıkasyna úlgi bolatyn joba júzege asady degen senimdemiz. Gıbrıdti súzgiler eki bólikten turady. Elektrli súzgilerde tútin murjasyndaǵy shań-tozańnyń 80 paıyzy ustalyp qalsa, jeńdik súzgiler qalǵan qaldyqtardy barynsha tutyp qalady», dep túsindirdi Fujian Longking kompanııasynyń bas dırektory Hýan Veı.
ERG kompanııasy 2030 jylǵa deıin júzege asatyn ekologııalyq strategııasynda óndiris oryndaryndaǵy qatty qaldyqtardyń úlesin 56 paıyzǵa, óndiristik shyǵaryndylardyń úlesin 30 paıyzǵa deıin azaıtýdy kózdep otyr. Atalǵan baǵytta osy ýaqytqa deıin 70-ten astam joba júzege asyp, 81 mlrd teńge qarjy jumsalǵan. Kompanııa, ásirese óndiris oryndarynda avtomattandyrylǵan monıtorıng júıelerin ornatýdan kópke úlgi bolýda. 2019 jyly Pavlodardaǵy alıýmınıı zaýytynda álgindeı zamanǵa saı avtomattandyrylǵan qural-jabdyqtar qoıylyp, kásiporyndaǵy ekologııalyq kórsetkishter oblys ortalyǵyndaǵy úlken ekrandar arqyly jurtshylyqqa ashyq kórsetilip keledi. Kompanııa ekologııalyq baǵyttaǵy qural-jabdyqtary men tehnologııalaryn únemi jańǵyrtý ústinde. Elimizdegi normatıvterge sáıkes, qoljetimdi eń jaqsy tehnologııalar ár 8 jyl saıyn qarastyrylypotyratynyn umytpaýymyz kerek.
Gıbrıdti súzgiler taý-ken – metallýrgııa salasynda óziniń tıimdiligin baıqatyp otyr. Ortasha alǵanda ol qatty qaldyqtardy 15 paıyzǵa azaıta alady. Al ERG-diń ekologııa jónindegi menedjeri Dmıtrıı Sýhanov atap kórsetkendeı, Pavlodar alıýmııı zaýytynda bul kórsetkish 22 paıyzdy baǵyndyrǵan. Atalǵan súzgilerdiń qaldyqtardan tazartý kórsetkishi 99,9 paıyzǵa deıin jetedi. Endeshe jańa úlgidegi quraldardyń ekologııalyq nátıjesi asa joǵary dep baǵalaýǵa bolady. Eýropalyq bıik standarttarǵa negizdelgen jańa súzgilerdiń arqasynda kompanııa alǵa qoıyp otyrǵan ekologııalyq strategııasyn jemisti túrde jalǵastyra beretinine daý joq.