Qurlyqtyq hokkeı lıgasynda (QHL) kúsh synasyp júrgen «Barys» kezekti týr oıynyn óz aıdynynda Qazannyń «Aq Barsyna» qarsy ótkizdi, dep habarlaıdy Egemen.kz.
Osyǵan deıin syrtta úsh kezdesý ótkizip, úsheýinde de utylǵan edi. Jerlesterimiz Magnıtogorskide «Metallýrgke» (1:5), Cherepoveste «Severstalge», Mınskide «Dınamoǵa» (0:1, overtaım) ese jiberdi. Endi «Barys Arenada» sportshylar óz jankúıerlerin qýantady dep úmittendik. Biraq bul matchta da jeńilistiń kermek dámin tatty. Birinshi kezeń bastalǵan bette Vladımır Alıstarov qonaqtardy alǵa shyǵarsa, úshinshi kezeńde Nıkıta Dynıak ekinshi shaıbany qaqpaǵa engizdi. Astanalyqtar sapynan Maıkl Vekkone ǵana nysanany dál kózdeı aldy. Esep – 1:2.
Endi «Barys» 27 qyrkúıekte Novosıbırskiniń «Sıbırin», 29 qyrkúıekte Vladıvostoktyń «Admıralyn» jáne 1 qazanda Iаroslavldiń «Lokomotıvin» qabyldaıdy.