IJF-tiń jańartylǵan reıtınginde elimizdiń eń beldi dzıýdoshylarynyń biri Ábıba Ábýjaqynova 48 kg salmaq dárejesinde jeke-dara kósh bastady. Osyǵan deıin aldyna jan salmaı kelgen ıtalııalyq Assýnta Skýtto úshinshi satyǵa syrǵyp tússe, reseılik Sábına Gılıazova ekinshi orynǵa kóterildi.
28 jastaǵy Ábıbanyń qorjynynda álem chempıonatynyń bir kúmisi men eki qolasy bar, Azııa oıyndary men qurlyq birinshiliginiń eki dúrkin fınalısi. 30 jastaǵy Sábına qart qurlyqtyń basty dodasynda eki ret úzdik úshtikti túıindedi. 23 jastaǵy Assýnta álem chempıony, sol jarystyń kúmis, eki dúrkin qola júldegeri. Iаǵnı olardyń úzdikter tiziminiń aldyńǵy leginde turýy zańdy.
Keıingi bes jylda óreli óneri, tabandylyǵy, tolaǵaı tabysymen óz jankúıerlerin qýantyp júrgen Ábıba Olımpııa oıyndarynda ǵana jeńis tuǵyryna kóterile alǵan joq. Ol tatamıde asqan sheberlik tanytady, básekeniń sońyna deıin kúresedi. Tartynyp qalý, óz-ózin aıaý degendi bilmeıdi. Jeńiske degen qushtarlyǵy eren sportshyny muqym Alash jurty Los-Andjeles Olımpıadasynyń bıiginen kórýdi armandaıdy.
О́kinishke qaraı, elimizdiń qurama komandasy sapyndaǵy basqa dzıýdoshylardyń qarqyny báseń. Ǵalııa Tynbaeva 24-orynda tur. Ǵalııa da Ábıbamen birge asa jeńil salmaqta synǵa túsip júr.
О́zge qyzdarymyz IJF reıtınginde mynadaı satylarǵa jaıǵasty: Nazgúl Maratova (+78 kg) – 28, Esmıgúl Kýıýlova (63 kg) – 42, Kámıla Berliqash (+78 kg) – 46, Baqyt Qusaqbaeva (57 kg) – 58, Tolǵanaı Ábeýova (52 kg) – 61, Ekaterına Tokareva (70 kg) – 65, Karına Tákıeva (+78 kg) – 65, Aqerke Ramazanova (+78 kg) – 68, Arýna Jankeldına (78 kg) – 75, Samalaı Erǵalıeva (63 kg) – 93-oryn.
Erlerdiń reıtınginde osydan eki-úsh aı buryn ǵana TOP-10-dyqta elimizdiń eki balýany – Eldos Smetov pen Ǵusman Qyrǵyzbaev bar edi. Biraq olar qazir óz pozısııalaryn biraz álsiretip aldy. 60 kg salmaqtaǵy Eldos 9-orynnan 15-satyǵa syrǵyp tústi. Kúni keshege deıin úzdik ondyqty túıindep turǵan 66 kg salmaq dárejesindegi Ǵusman qazirgi kezde 12-orynda. Asa jeńil salmaqtaǵy Maǵjan Shamshaddın 18-oryndy enshilese, Talǵat Orynbasar 25-satyǵa jaıǵasty. Nurqanat Serikbaev – 39, Sherzod Davlatov – 42, Dáýren Súıkenov – 57, Nurádil Áljan – 96-orynda.
81 kg salmaqtaǵy Abylaıhan Jubanazardyń da qarqyny jaman emes. Azııa oıyndarynyń qola, Grand-Slem jarystarynyń alty dúrkin júldegeri 15-orynǵa turaqtady. Alyptarmen aıqasyp júrgen Erasyl Qajybaev 21-satyǵa taban tiredi. Erasyl da birqatar halyqaralyq týrnırler men qurlyqtyq deńgeıdegi jarystarda jeńis tuǵyryna kóterilgen.
Elimizdiń erler quramasynyń ózge músheleriniń IJF reıtıngindegi oryndary mynadaı: Nurlyhan Sharhan (100 kg) – 29, Meıirlan Maksım (90 kg) – 37, Marat Baıqamurov (100 kg) – 42, Ermahan Ánýarbekov (90 kg) – 48, Islam Bozbaev (100 kg) – 50, Azat Kúmisbaı (81 kg) – 52, Baqytjan Ábdýrahmanov (73 kg) – 53, Danııar Shamshaev (73 kg) – 60, Eset Qýanov (73 kg) – 61, Baǵjan Baıtas (100 kg) – 70, Ádilet Saparǵalıev (100 kg) – 72, Mádı Edilbaev (+100 kg) – 81, Beıbit Mádıev (100 kg) – 82, Ǵalymjan Qyryqbaı (+100 kg) – 83, Meıirjan Jumabek – 90, Islam Toqtasyn (73 kg) – 91, Aıdar Arapov (90 kg) – 97-oryn.