«Qazgıdromet» RMK baspasóz qyzmeti 2025 jylǵy 2-4 qazan aralyǵyna arnalǵan aýa-raıy boljamyn usyndy, dep habarlaıdy Egemen.kz.
Sınoptıkterdiń málimetinshe, Qazaqstan aýmaǵynyń basym bóliginde soltústik sıklon yqpalynan jańbyr men qar, kóktaıǵaq kútiledi. 2-3 qazanda respýblıkanyń shyǵys jáne ońtústik-shyǵys óńirlerinde qatty jaýyn-shashyn boljanady.
Tek batys óńirlerde soltústik-batys antısıklon jotasynyń yqpalymen jaýyn-shashynsyz ashyq aýa raıy kútiledi. Respýblıka boıynsha tuman túsip, jel kúsheıýi yqtımal.
«Batys óńirlerde túngi temperatýra birtindep +2…+13°S-qa, kúndiz +20…+25°S-qa deıin kóteriledi. Respýblıkanyń soltústik-batysynda túnde -1…-9°S aıaz, kúndiz +5…+20°S-tan +10…+23°S-qa deıin jylynady. Soltústik aımaqtarda túnde -7…+3°S, kúndiz +3…+13°S kútiledi. Ortalyqta túnde -8…-2°S, kúndiz +5…+18°S shamasynda bolady. Ońtústik óńirlerde túngi temperatýra birtindep +2…+10°S-qa, kúndiz +15…+25°S-qa deıin kóteriledi. Qalǵan aýmaqta temperatýralyq fonǵa aıtarlyqtaı ózgerister kútilmeıdi», dep habarlady «Qazgıdromet».