AQSh-tyń Dopıngke qarsy agenttigi (USADA) UFC-diń burynǵy eki dúrkin chempıony Konor Makgregorǵa qatysty sheshimin jarııalady. UFC juldyzy úsh ret bıologııalyq úlgilerdi tapsyrmaǵandyqtan, oǵan 18 aılyq dıskvalıfıkasııa taǵaıyndaldy, dep habarlaıdy Egemen.kz.
Erejege sáıkes, UFC sportshylary kez kelgen ýaqytta ornalasqan jeri týraly tolyq ári naqty málimet berýge mindetti. Bul talap aldyn ala eskertýsiz synama alý múmkindigin qamtamasyz etedi. Makgregor 2024 jyly úsh ret, ıaǵnı 13 maýsymda, 19 jáne 20 qyrkúıekte bıologııalyq úlgilerin tapsyrmaǵan.
Aıta keterligi, Makgregor tergeý kezinde tolyq yntymaqtastyq ornatyp, kinásin moıyndaǵan. Onyń ashyqtyǵy men jaǵdaıyn eskere otyryp, uıym standartty 24 aılyq jazany alty aıǵa qysqartqan.
Osylaısha, Makgregordyń dıskvalıfıkasııa merzimi 2024 jyldyń 20 qyrkúıeginen bastalyp, 2026 jyldyń 20 naýryzynda aıaqtalady.