Ulttyq statıstıka bıýrosynyń málimetinshe, 2025 jyldyń sáýir aıyna qatysty naqty jalaqy týraly málimetter barlyq qosymsha tólemder, ústemaqylar, syıaqylar, salyqtar men zeınetaqy aýdarymdaryn esepke aldy. Zertteý qorytyndysy boıynsha tolyq aı jumys istegen jumysshylar sany atalǵan kásiporyndarda 3 338,3 myń adamdy qurady, olardyń 48,5%(1 620,7 myń adam) er adamdar, 51,5% (1 717,6 myń adam) - áıelder. 2025 jylǵy zertteý nátıjesinde jumysshylardyń medıanalyq jalaqysy 317 512 teńgeni qurady. О́tken jyly medıana jalaqysy, ıaǵnı jalaqy mólsheriniń teń jartysynan joǵary jáne kerisinshe tómen bolatyn ortalyq kórsetkish 285 677 teńge bolǵan. Osylaısha, medıana jalaqysynyń mólsheri bir jyl ishinde 11,1% ósken. Orta bilimdi jumysshylardyń aı saıynǵy ortasha jalaqysy – 289 673 teńge, joǵary bilimdilerdiki – 497 563 teńge, al joǵary oqý ornynan keıingi bilim deńgeıindegi qyzmetkerlerdiń jalaqysy – 672 493 teńge boldy.