Keshe Parlament Senatynyń Tóraǵasy Qasym-Jomart Toqaev Ázirbaıjannyń Qazaqstandaǵy elshisi Lıatıf Seıfeddınoǵly Gandılovty onyń bizdiń eldegi dıplomatııalyq mıssııasynyń aıaqtalýyna baılanysty qabyldady.
Kezdesý barysynda Tóraǵa Qazaqstan men Ázirbaıjan arasyndaǵy dostyq qatynastardy nyǵaıtýǵa qosqan qomaqty úlesine oraı L.Gandılovqa alǵys aıtyp, alǵys hat tabys etti.
“Bizdiń memleketterimizdi halyqaralyq saıasattyń aýqymdy máselelerine kózqarastar uqsastyǵy, ekonomıkalyq jáne saıası belsendi baılanystar jáne mádenıetter ortaqtyǵy biriktiredi”, – dedi Q.Toqaev.
L.Gandılov óz kezeginde elshi kezindegi qyzmetin qoldaǵany úshin qazaqstandyq basshylarǵa rızashylyǵyn bildirdi, dep habarlady Parlament Senatynyń baspasóz qyzmeti.