Oblystyq tarıhı-ólketaný mýzeıiniń kórkemsýret galereıasynda Mádenıet salasynyń úzdigi, músinshi, karıkatýrashy, Qalı Qoralasbaevtyń «Kıeli meken» atty jeke shyǵarmashylyq kórmesi ashyldy, dep habarlaıdy Egemen.kz
Bul kórme Shý aýdanynyń 95 jyldyǵyna jáne avtordyń 60 jas mereıtoıyna da arnalyp otyr. Kórmeniń ashylýynda oblys ákimdigi mádenıet jáne tilderdi damytý basqarmasynyń basshysy Erlan Júnisbaı sóz sóılep, Qalı Erǵazyulynyń erekshe talanty men izdenisine keńinen toqtaldy.
Shý aýdanynyń ákimi Baqytjan Jánibekov sýretshiniń jumystary qoǵamǵa tereń oı salatynyn aıtyp ótse, QR Sýretshiler Odaǵynyń múshesi Mýratdjon Rahımjanov áriptesiniń tolaıym tabysy men keıingi jyldardaǵy jetistikteri týraly oı qozǵady. Kórme beıneleý óner týyndylaryn keńinen nasıhattaý, shyǵarmashyl óner adamdary arasynda tájirıbe almasý jáne qylqalam arqyly mádenı, rýhanı baılanystardy nyǵaıtý maqsattaryna negizdeldi.
Kórmede sýretshiniń maıly boıaýmen, karıkatýralyq beıneler jáne tarıhı músinderdegi ózindik dúnıetanymy mol baǵa jetpes týyndylary qoıyldy.
Is-sharada sýretshiniń shyǵarmashylyq «QALI» atty katalogynyń lentasy saltanatty túrde kesildi. Kórme 31-qazanǵa deıin jalǵaspaq.