Jezqazǵan qalasyndaǵy S.Qojamqulov atyndaǵy Ulytaý oblysynyń qazaq mýzykalyq-drama teatrynda Qanysh Sátbaev atyndaǵy 9-11 (12) synyp oqýshylaryna arnalǵan hımııa páni boıynsha halyqaralyq olımpıadanyń ashylý saltanaty boldy. Halyqaralyq olımpıada 27 qazan - 1 qarasha aralyǵynda ótedi, dep jazady Egemen.kz.
Bilim saıysyna Qazaqstannyń barlyq oblysynan jáne Reseı men Qyrǵyzstannan daryndy oqýshylar keldi.
Kelgen qonaqtarǵa «Ult uıasy - Ulytaýdyń dástúri men tarıhy» taqyrybynda kórme uıymdastyryldy. Ulytaý oblysyna qaraıtyn qala, aýdan, aýyl mektepteriniń oqýshylary men ustazdary sheber qoldarynan shyqqan kóz jaýyn alatyn qolóner týyndylaryn kórmege ákeldi.
«Kórme úsh baǵyttan turady. Birinshi baǵyty tarıhı kıeli jerlerdiń maketin kórsetý. Ulytaý óńiri óte tarıhqa baı jer, Joshy han, Alasha han keseneleri bar. Qanshama óndiris oryndary, shahtasy, fabrıkasy bar. Ekinshi baǵytymyz – qolóner, áshekeı buıymdar. Onyń bárin daıyndap jatqan mektep oqýshylary. Úshinshi baǵytymyz - aýylsharýashylyq ónimi. Saryarqanyń jeri bolǵannan keıin eti, qymyzy, maıy, qurty bar. Alystan kelgen balalarǵa, qonaqtarǵa dám túrlerin kórsetip, dám tatqyzý maqsatynda uıymdastyryldy», dedi Ulytaý oblysy Bilim basqarmasyndaǵy «Daryn» ortalyǵynyń ádiskeri, ardager ustaz Sara Túgelbaıqyzy.
Ulytaý oblysy