2025 jyldyń toǵyz aıynyń qorytyndysy boıynsha Almatynyń jergilikti bıýdjetiniń kirisi 1,6 trln teńgege jetti. Qala ákimdigi bul ótken jyldyń sáıkes kezeńimen salystyrǵanda 20%-ǵa artyq ekenin málimdedi. Boljam boıynsha, jyl sońyna deıin qala bıýdjetine túsimderdiń jalpy kólemi 2,3 trln teńgeden asýy múmkin, bul megapolıs tarıhyndaǵy rekordtyq kórsetkish bolýy yqtımal, dep jazady Egemen.kz.
Osy turaqty ósimniń arqasynda Almaty tarıhynda alǵash ret qala bıýdjetine túsimderdiń jalpy kólemi 2025 jyldyń sońyna qaraı 2,3 trln teńgeden asýy múmkin. Bul rekordtyq kórsetkish 35 jyl ishinde jasampazdyq pen progrestiń sımvolyna aınalǵan megapolıstiń turaqty damýynyń tikeleı kórinisi.
Almatyda ınnovasııalar men kásipkerlikti yntalandyrý úshin jańa tehnoparkter men bıznes alańdar belsendi túrde qurylyp jatyr. Sonymen qatar az qamtylǵan otbasylardy, zeınetkerler men múmkindigi shekteýli adamdardy áleýmettik qoldaý kúsheıtilip otyr. Qala turǵyn úı-kommýnaldyq sharýashylyqqa, kólik pen densaýlyq saqtaý salasyna «aqyldy» tehnologııalardy engizedi, bul qala turǵyndarynyń ómir súrý sapasyn jáne basqarý tıimdiligin aıtarlyqtaı arttyrady.
«Ońtústik astana ekonomıkalyq ósimdi, ınnovasııalardy jáne adamǵa qamqorlyqty úılesimdi úılestire otyryp, kún saıyn jańartylyp, bolashaqtyń jaıly, zamanaýı jáne turaqty qalasyna aınalyp keledi», dep habarlady megapolıstiń baspasóz qyzmeti.
Qalalyq salalarǵa – TKSh, kólik jáne densaýlyq saqtaý salalaryna qalalyq basqarýdyń tıimdiligin arttyrýǵa jáne qala turǵyndarynyń ómir súrý sapasyn jaqsartýǵa baǵyttalǵan «aqyldy» tehnologııalar engizilip jatyr.
«Almaty kún saıyn jańaryp, ekonomıkalyq ósimdi, ınnovasııalardy jáne adamǵa qamqorlyqty ushtastyryp, bolashaqtyń jaıly, zamanaýı jáne turaqty qalasyna aınalyp keledi», dep túıindedi qala ákimdigi.
Buǵan deıin Almatyda osy jyldyń 9 aıynyń qorytyndysy boıynsha shaǵyn bıznes 670 mlrd teńge salyq túsimin qamtamasyz etkeni aıtylǵan bolatyn. Bul ótken jyldyń osy kezeńimen salystyrǵanda 30%-ǵa artyq. Almatyda aǵymdaǵy jyldyń 9 aıynyń qorytyndysy boıynsha shaǵyn bıznes 670 mlrd teńge salyq túsimin qamtamasyz etti, bul ótken jyldyń osy kezeńimen salystyrǵanda 30%-ǵa artyq. Qala ákiminiń orynbasary Oljas Smaǵulovtyń aıtýynsha, turaqty makroekonomıkalyq jaǵdaı men kásipkerlikti qoldaý sharalary aıasynda oń dınamıka baıqalady.
«Biz qazir jańa Salyq kodeksi jáne onyń ekonomıka men kásipkerlik salasyna áseri týraly úlken pikirtalastar júrip jatqanyn bilemiz. Bizdiń boljamymyz boıynsha kelesi jyly ınflıasııanyń qalypty deńgeıi kútilip otyr, bul rette shaǵyn jáne orta bıznes boıynsha kirister saqtalady. Almatynyń jergilikti bıýdjetine salyq bazasynyń túsimderi boıynsha barlyq josparly kórsetkishterge qol jetkiziledi», dep atap ótti Oljas Smaǵulov.
Onyń aıtýynsha, 2026 jyly bıýdjettiń kiris bóligi salyq túsimderinen 2,6 trln teńge deńgeıinde bolý kerektigi josparǵa alynǵan, al 2025 jyly 2,3 trln teńge kóleminde oryndalýy kútilip otyr.
«Jańa Salyq kodeksin eskere otyryp, biz aǵymdaǵy deńgeıden 300 mlrd teńgege artyq túsimdi qamtamasyz etýimiz kerek, onyń ishinde QQS jáne basqa da novellalar esebinen», dep tolyqtyrdy ákim orynbasary.
Sonymen qatar, qalalyq ekonomıka jáne qarjy basqarmasynyń basshysy Baýyrjan Qudaıbergenov habarlaǵandaı, fıskaldyq sharalarmen qatar ShOB-ti qoldaýdyń qarjylyq quraldary da saqtalatyn bolady.
«Damý» qorymen jáne Qazaqstannyń Damý bankimen birlesip kelesi jyly Almaty úshin jergilikti jańa baǵdarlamalar ázirleý josparlanyp jatyr. Bálkim, olar «О́rleý Almaty» baǵdarlamasynyń sheńberine enetin shyǵar. Qazir biz qoldaý úshin ShOB qyzmetiniń basym baǵyttary men túrlerin anyqtap jatyrmyz. Qarasha aıynda jekelegen sharalardy engizý kútilip otyr», dep atap ótti B.Qudaıbergenov.
Almaty ákimdigi qala ekonomıkasynyń basty draıverleriniń biri bolyp otyrǵan shaǵyn jáne orta bıznesti damytý úshin jaǵdaı jasaýǵa erekshe kóńil bólýdi jalǵastyryp jatyr.