Áýlıekólde aýylsharýashylyq kolledjderiniń stýdentteri arasynda ótken «AgroSkills-2025» atty respýblıkalyq baıqaý márege jetti. Jumysshy mamandyqtary jyly aıasynda ótken baıqaýǵa elimizdiń 14 óńirinen «Aýyl sharýashylyǵyn mehanıkalandyrý» mamandyǵy boıynsha bilim alyp jatqan stýdentter qatysty.
Aýqymdy is-shara Qostanaı oblysy ákimdigi men Oqý-aǵartý mınıstrliginiń qoldaýymen uıymdastyrylyp otyr.
«AgroSkills-2025» respýblıkalyq baıqaýy – jas mamandardyń kásibı daıyndyǵyn synaýmen qatar, elimizdiń agrarlyq bilim berý júıesiniń sapasyn, kadr daıarlaý deńgeıin jáne stýdentterdiń óndiris talaptaryna sáıkestigin baǵalaýǵa múmkindik beretin mańyzdy alań. Baıqaýǵa qatysýshylar naqty óndiristik jaǵdaıǵa beıimdelgen tapsyrmalardy oryndady. Olardyń qatarynda aýylsharýashylyq tehnıkalaryn tıimdi paıdalaný, qural-jabdyqtardy dıagnostıkalaý jáne jóndeý, sondaı-aq zamanaýı sıfrlyq tehnologııalardy qoldaný boıynsha tájirıbelik tapsyrmalar bar», deıdi uıymdastyrýshylar.
Baıqaý qorytyndysy boıynsha qostanaılyq Denıs Eroshenko barlyq kezeńnen súrinbeı ótip, jeńis tuǵyrynan kórindi. Júldeli ekinshi orynǵa Aqmola oblysynan kelgen Stanıslav Goncharov pen Abaı oblysynan kelgen Nıkıta Krısman ıe boldy. Al úshinshi oryndy Aqtóbe oblysynyń ókili Arǵyn Álim, Pavlodar kolledjiniń stýdenti Asyljan Samat, Jambyl oblysynan kelgen Shahzod Shýhratuly syndy jas mehanızatorlar ózara bólisip aldy.
Baıqaý jeńimpazdary baǵaly syılyqtarmen, maqtaý qaǵazdarmen jáne medaldarmen marapattaldy.
Qostanaı oblysy