Qazaqstan aýmaǵynda aldaǵy dúısenbi kúni aýa raıy qubylmaly bolady, dep habarlaıdy Egemen.kz «Qazgıdrometke» silteme jasap.
Sınoptıkterdiń málimetinshe, 3 qarasha kúni respýblıkanyń kóp óńirinde jańbyr men qar jaýady, al eldiń soltústiginde kúshti jaýyn-shashyn (negizinen qar) kútiledi.
Tek batys pen ońtústik-shyǵys óńirlerde aýa raıy jaýyn-shashynsyz ótedi.
Elimizdiń birqatar óńirinde tuman túsip, jel kúsheıedi.
Sondaı-aq soltústik-batys, soltústik, shyǵys jáne ortalyq óńirlerde kóktaıǵaqbaıqalady.
Mamandar jolda abaı bolýǵa jáne kólik júrgizý kezinde saqtyq sharalaryn qatań saqtaýǵa keńes beredi.
Jambyl, Almaty jáne Qyzylorda oblystarynyń keıbir aımaqtarynda órt qaýpi joǵary.
«3 qarasha kúni Jambyl oblysynyń shyǵysynda, Almaty oblysynyń batysynda jáne Qyzylorda oblysynyń soltústigi men ortalyǵynda joǵary órt qaýpi saqtalady. Al Qyzylorda men Túrkistan oblystarynyń ońtústigi men batysynda, sondaı-aq Jambyl men Almatynyń soltústiginde erekshe órt qaýpi kútiledi», – delingen sınoptıkter habarlamasynda.
«Qazgıdromet» mamandary turǵyndarǵa aýa raıy kúrt ózgerisine daıyn bolýdy, jyly kıinip, uzaq saparlardy keıinge qaldyrýdy usynady.