Saıahatqa qolaıly óńir

Resmı málimetterge súıensek, bıyl­ǵy birinshi jartyjyldyqtyń qory­tyndysy boıynsha ishki týrıs­ter sany 31,3%-ǵa artty. Iаǵnı demalýshy­lardyń qatary 185,7 myń adamǵa jetken. Týrıstik qyzmetter kólemi 8,7%-ǵa ósip, 4 mlrd teńgeni qurady. Týrızm salasy­na tartylǵan ınvestısııalar 13,8 mlrd­ teńgeden asyp túsken.

– Qaraǵandy oblysy bel­sen­di demalys­ty unatatyn jan­dardyń ortalyǵy ǵana emes, ınvestorlar úshin de bolashaǵy zor óńir. Aımaqtyń týrıstik ınfra­qurylymdy damytýǵa áleýeti orasan. Kempıngter, eko-qonaqúıler, rekreasııalyq aımaq pen etnopark sekildi ózge de nysandardy salý múmkindigi bar. Búgingi festıvalǵa 10-nan astam kásiporyn men 20-dan astam týrızm ortalyǵy qatysyp otyr. Qala turǵyn­dary týrızm ortalyqtarymen keńinen tanysa alady. Jalpy, bizdiń maqsat – eldi saıahattaýǵa shaqyrý, – dedi oblystyq týrızm basqarmasynyń basshysy Irına Lıýbarskaıa.

Festıvaldy oblystyq týrızm bas­qarmasy uıymdastyrdy. Saıa­hatqa, tabıǵat aıasyndaǵy dema­lysqa, belsendi ómir saltyna qyzy­ǵýshy­lyq tanytqan turǵyndar men qonaqtar osylaısha bir alańda toǵysty. Qatysýshylar óńirdegi ishki týrızm baǵyt­tarymen jaqyn tanysyp, týrıstik marshrýttar men demalys oryndary jóninde jan-jaqty aqparatqa qanyqty.

Festıval aıasynda saıabaqqa kıiz úıler tigilip, etnoaýyl, sheberlik saǵattary, arqan ótkelderi uıym­das­tyryldy. Sonymen qosa, kelý­shiler «Týrıstiń izimen» atty kedergilerden turatyn estafetaǵa qaty­syp, dala jaǵdaıynda ómir súrýdiń negizgi daǵdylaryn, tabı­ǵat­taǵy qaýipsizdik erejelerin úı­rendi. Ári baıdarkamen júzý jónin­degi kórsetilimdi tamashalady. Kól jaǵasyndaǵy qaıyqtarmen serýendedi.

Týrızm sporty boıynsha sport sheberi, nusqaýshy Sergeı Kısta­nov osy festıvalǵa óziniń jeke qaıyqtaryn alyp kelipti. Osy salada júrgenime 15 jyldan asty.

Saıahat – meniń ómirim. Saıahat arqy­ly ómirimdi uzartamyn. Bizge keletin saıahatshy­lardyń jas erekshelikteri árqıly. О́z basym týrızm basqarmasyna usynys bildirip, saıahat marshrýtynyń sanyn kóbeıtý qajetti­gin kóter­dim. Keıingi jyldary týrızmge qyzy­ǵýshylyq bildiretin jan­dar­dyń qatary artyp keledi. Son­dyq­tan óńirimizde týrıstik marshrýt­tardyń sanyn kóbeıtý mańyzdy. Ásirese qaıyqpen serýendeý syn­dy baǵyttardyń áleýeti zor. Qaıyq­pen serýendeý tek demalys emes, jan tynyshtyǵy. Jalpy, fes­tıvaldyń bereri mol. Osy arqy­ly biz kópshilikti ishki týrızm­ge qy­­zyqtyryp, týǵan ólkeni jańa­sha tanýǵa jol ashamyz, – dedi S.Kıstanov.

Ishki týrızmge serpilis syılap júrgen azamattardyń biri – Aıan Nurmaǵanbetov. Ol osydan on shaqty jyl buryn «Nomads Club» atty týrıstik klýb ashqan. Aıan da áýeli dostarymen birge tabıǵat aıasynda demalyp, el ishindegi saıahattarǵa shyǵyp júrgen. Sondaı serýen barysynda týrıstik marshrýt ashý ıdeıasy keledi. Keıin pandemııa kezinde barlyq óńirge shekteý qoıylǵan soń saıahattan qol úzip qalady. Alaıda, shekteý azaıǵan soń Aıan óz armanyna qol jetkizedi. Búgingi kúni klýbtyń resmı lısenzııasy bar. Ári ol ishki týrızmdi ǵana emes, syrtqy týrızm baǵytynda da aýqymdy jumystar atqaryp otyr.

– Týrısterimizdi deńgeıine qaraı bólip tastaımyz. Sebebi olardyń ishinde birinshi ret saparǵa shyqqaly turǵandary bolady. Saıahatshylarmen birge týr kestesin birlese quramyz. Bizge keletin saıahatshylardyń basym bóligi taýly jerge saıahatqa shyqqysy keletinder. Aıta keteıik, biz – erkin agenttik ortalyqpyz. Jaz mezgilinde tabıǵat aıasynda shatyrda túneımiz. Basty ereksheligimiz sol. Kún salqyndaǵanda qonaqúıler men túrli jal­ǵa beretin jerden oryn alamyz. Kólik jaǵyna keletin bolsaq, ózimizge tıesili jeńil kólik, shaǵyn avtobýs, sprınterler bar. Eger bara­tyn adam sany biz oılaǵannan da kóp bolsa, qosymsha kólik jalǵa alamyz, – deıdi Aıan Seksenuly.

Prezıdent óz Joldaýynda «Týrızm salasynda biraz túıtkildi másele bar. Shynyn aıtý kerek, kásibı kadrlar tapshy. Osy sala­daǵy básekege qabiletimiz áli de shamaly» degen bolatyn.

О́ńirde týrızm baǵytynda keshendi is-sharalar qolǵa alyndy. Solardyń biri – týrızm festıvali. Tańnan keshke deıin jalǵasqan festıval kelýshilerge tek kó­terińki kóńil-kúı syılap qana qoımaı, jańa marshýrttarǵa jol ashty. Is-sharany uıymdastyrýshylar Qaraǵandy óńiri elimiz­diń týrızm kartasyndaǵy jetekshi baǵyt­tardyń birine aınalaryna senimdi.

Qaraǵandy oblysy