Elimizdegi eń alǵashqy dostyq úıi 1992 jyly О́skemende qurylǵan edi. Sondyqtan da Qazaqstan halqy Assambleıasynyń 30 jyldyǵyna oraı Dostyq úıleriniń tuńǵysh respýblıkalyq kongresiniń Shyǵysta ótkeni quba-qup. Eki kúnge sozylǵan is-sharaǵa elimizdiń barlyq óńirindegi 100-den asa Dostyq úıiniń, etnomádenı birlestikterdiń, memlekettik organdardyń ókilderi, sarapshylar men jastar qatysty.
Jıynda sóz alǵan oblys ákimi Nurymbet Saqtaǵanov assambleıa atqaryp jatqan jumystardyń mańyzyna toqtalyp ótip, О́skemende dostyq úıiniń jańa ǵımaraty boı kóteretinin aıtty.
– Bizdiń ortaq mindetimiz – ár ulttyń dástúrlerin saqtap qana qoımaı, olardy jańa mazmunmen baıytyp, keler urpaqqa amanattaý. Dostyq úıleri – birlikti nyǵaıtýdyń, qoǵamdyq kelisim men etnosaralyq dıalogti damytýdyń negizgi tiregi. О́skemen qalasynda 33 jyl buryn Qazaqstandaǵy tuńǵysh Dostyq úıi ashylǵan edi. Búginde mundaı ortalyqtar elimizdiń túkpir-túkpirinde jumys istep tur. Endigi maqsatymyz osy mol tájirıbeni nyǵaıta túsý, – dedi N.Saqtaǵanov.
Qazaqstan halqy Assambleıasy tóraǵasynyń orynbasary Marat Ázilhanov Shyǵys Qazaqstandaǵy 8 Dostyq úıiniń qoǵamdy biriktirý mıssııasyn jemisti júzege asyryp otyrǵanyn erekshe atap ótti. Sonymen qatar árqaısymyzdyń tarıhı otanymyz Qazaqstan ekenin eske saldy. Jumys bólmelerine ózge memlekettiń týy men Qazaqstan týyn qatar qoıýdyń qajeti joq ekenin eskertti. Kongresste etnosaralyq kelisimdi nyǵaıtý tetikteri talqylanyp, Dostyq úıleriniń úzdik tájirıbeleri de ortaǵa salyndy.
– Assambleıanyń 30 jyldyǵyna oraı Dostyq úıleriniń respýblıkalyq I kongresi qutty bolsyn! Qazaqstan halqynyń Dostyq úıi eń alǵash О́skemende qurylsa, alǵashqy kongress te osynda ótip jatyr. Osy ýaqyt ishinde bir shańyraq astynda ómir súrip jatqan eldiń birligi nyǵaıyp, berekesi artty. Osy ýaqytqa deıin atqarylǵan jumystar jalǵasyn tabady. Aıtarym, elimizde bir Prezıdent, bir tý, bir ǵana memlekettik til baryn umytpaıyq, – dedi QHA tóraǵasynyń orynbasary Marat Ázilhanov.
Eki kúnge jalǵasqan kongress Rıdder qalasynda qorytyndylanady. Onda «Assambleıa jastary» jastar mektebi ashyq dıalog, erkin pikir almasý formatynda ótip, etnosaralyq kelisimge qatysty aldaǵy jumystyń búge-shigesi talqyǵa salyndy.
– Dostyq úıleriniń basshylarynyń bas qosyp jatqanyna qýanyp jatyrmyz. Osy ýaqyt ishinde mádenı qyzmetkerlermen, etnobirlestiktermen, jastarmen kóp jumys atqaryp kelemiz. Búgin tájirıbe almasyp, basqalardyń jobasymen etene tanysyp jatyrmyz, – dedi Pavlodar óńirinen kelgen Dostyq úıiniń basshysy Núrııa Kóbenova.
Aıtylǵandaı, elimizdiń ár aımaǵynan kelgen Dostyq úıiniń basshylary bir-birimen tájirıbe almasyp, arqa-jarqa bolysty. Táýelsizdigimizdiń myzǵymas dińgegi bolyp turǵan da osy mádenı qyzmetkerler desek, artyq aıtpaǵanymyz shyǵar.
Shyǵys Qazaqstan oblysy