Aqtóbe áýejaıynda Almatyǵa baǵyt alǵan eki áıel jolaýshy ushaqtan túsirildi. Olar agressıvti minez-qulyq tanytyp, beıádep sózder aıtqan, dep habarlaıdy Egemen.kz.
Kóliktegi polısııa departamentiniń málimetinshe, jasy 33 jáne 51-degi áıelder ózderin ádepsiz ustap, dóreki sózder qoldanǵan. Sonyń saldarynan olar reısten túsirildi. Sonymen qatar usaq buzaqylyq deregi boıynsha is materıaldary sotqa joldandy.
Aıta keteıik, 2025 jyldyń basynan beri Kóliktegi polısııa departamenti ushaq borttarynda 508 quqyq buzýshylyqty anyqtaǵan.
Olardyń ishinde eń jıi kezdesetinderi:
alkogol ishimdigin ishý jáne mas kúıinde qoǵamdyq orynda júrý – 313 derek;
ushaqta shylym shegý – 131 derek;
usaq buzaqylyq – 32 derek jáne basqa da quqyq buzýshylyqtar.