О́nerkásip jáne qurylys vıse-mınıstri Iran Sharhan Úkimet otyrysynda jer qoınaýyn paıdalaný jáne geologııalyq barlaý salasyndaǵy ahýal týraly baıandady, dep habarlaıdy Egemen.kz.
Ol qazir el boıynsha 103-ten astam túrli paıdaly qazba jáne 10 myńǵa jýyq ken orny memlekettik esepke alynǵanyn, sondaı-aq, qoldanysta 2,9 myńnan astam lısenzııa jáne 250-ge jýyq qatty paıdaly qazbalar boıynsha kelisim-shart bar ekenin habarlady.
«Geologııalyq barlaý jumystarynyń nátıjesinde alǵash ret 5 ken oryny memlekettik esepke alyndy. Olar – Kók-Jon, Altyn-Shoko, Samombet, Stýdencheskıı jáne Taqyr-Qaljyr ken oryndary. Qor kólemi 98 tonna altynǵa, 36 myń tonna mysqa, 11 mıllıon tonna marganeske jáne 1,3 mıllıon tonna fosforıtke artty», dep atap ótti Iran Sharhan.