Sozaq aýdany polısııa bóliminiń jedel ýákili 200 myń teńge kóleminde para alǵannan keıin ustaldy, dep habarlaıdy Egemen.kz.
«Pısma prezıdentý» Telegram-arnasynyń málimetinshe, ol qashýǵa áreket jasaǵan.
«Tintý kezinde 190 myń teńge tabylyp, tárkilendi. Kúdikti tirkelmegen tegis uńǵyly ańshy myltyǵyn tárkileý faktisi boıynsha qylmystyq jaýapkershilikke tartpaý úshin aqsha talap etken», delingen habarlamada.
Túrkistan oblysy polısııa departamentiniń túsiniktemesinde, bul faktini departamenttiń ózindik qaýipsizdik basqarmasy UQK departamentimen birlesip anyqtaǵanyn málim etti.
«Qazir kúdikti ýaqytsha ustaý ızolıatoryna qamaldy. Oqıǵanyń barlyq mán-jaıyn anyqtaý úshin sotqa deıingi tergeý júrip jatyr. Dıssıplınarlyq komıssııanyń sheshimimen atalǵan qyzmetker ishki ister organdarynan teris sebeppen jumystan shyǵaryldy. Sonymen qatar basqa jaýapty tulǵalarǵa qatysty qyzmettik tekseris júrgizilip jatyr», delingen habarlamada.
Polısııa departamenti óz qataryn adal emes qyzmetkerlerden tazartý, qyzmettik tártipti kúsheıtý jáne zańdylyqty qatań saqtaý baǵytyndaǵy jumystar júıeli túrde jalǵasyp jatqanyn atap ótti.