Búgin Astana qalasynda Aýyl sharýashylyǵy eńbekkerleriniń II forýmy ótti. Atalǵan forýmǵa Ulytaý oblysynan 30-ǵa jýyq sharýa qojalyǵy, dıqandar men aýyl sharýashylyǵy salasynyń ókilderi qatysty, dep habarlaıdy Egemen.kz.
Aıtýly jıynda Prezıdent Qasym-Jomart Toqaev Ulytaý oblysynyń aýyl sharýashylyǵy eńbekkeri Asqar Muhanbetjanovty «Eren eńbegi úshin» medalimen marapattady. Asqar Álıuly Jezqazǵan qalasynda ornalasqan «Aıas» sharýa qojalyǵynyń basshysy. Qojalyq mal sharýashylyǵymen aınalysady. Asqar Muhanbetjanov jármeńkelerde halyqqa sapaly aýyl sharýashylyǵy ónimderin usynyp keledi. Sonymen qatar óńirde uıymdastyrylatyn mádenı jáne qoǵamdyq is-sharalarǵa belsene atsalysady.
Kóp jyldyq tájirıbesi bar kásipker ujym arasynda da, jergilikti turǵyndar arasynda da zor qurmet pen bedelge ıe.
Ulytaý oblysy