Memleket basshysy Qasym-Jomart Toqaev Ortalyq Azııa memleketteri basshylarynyń VII Konsýltatıvtik kezdesýinde óńir úshin sý qaýipsizdigi máselesi asa ózekti ekenin atap ótti. Sońǵy bes jylda Ortalyq Azııa memleketteri sý saıasatyna qatysty ustanymdaryn jańǵyrtqanyn jetkizdi, dep jazady Egemen.kz.
– Sý máselesiniń transshekaralyq sıpatyn eskere otyryp, salalyq strategııamyzdy úılestirý mańyzdy dep sanaımyn. Bul bir jaǵynan sý únemdeýdiń anaǵurlym sátti tájirıbelerin keńinen taratý úshin qajet. Aldaǵy ýaqytta halyqaralyq standarttarǵa sáıkes Ortalyq Azııanyń sýdy paıdalaný jónindegi negizdemelik konvensııasyn qabyldaýdy oılastyrýǵa bolady. Mundaı qujat saladaǵy biryńǵaı jumys qaǵıdattaryn bekitip, yqtımal qarama-qaıshylyqtardyń aldyn alýǵa múmkindik beredi. Kelesi jyly sáýir aıynda Astanada О́ńirlik ekologııalyq sammıtimen qatar ótetin Halyqaralyq Araldy qutqarý qoryna múshe memleketter basshylarynyń jıynynda osy taqyrypqa oralyp, usynystardy talqylaı alamyz. Sizder atalǵan is-sharalarǵa belsendi qatysady dep senemin, – dedi Qazaqstan Prezıdenti.
TAShKENT