ASTANA. 22 naýryz. Býrıatııanyń astanasy – Ýlan-Ýde qalasyna jaqyn jerdegi bir selonyń turǵyndaryna Ázerbaıjannan kelgen 30 adam tynyshtyq beretin emes. Bul týraly Reseı BAQ-tary deregine súıengen haqqin.az habarlady.
Ýlan-Ýde qalasy ákimdigi jetekshisiniń orynbasary Petr Mordovskoı osynda turyp jatqan 30-dan asa Ázerbaıjan azamattarynyń jaan-jaǵyna tynyshtyq bermeı kele jatqanyna biraz bolǵanyn habardar etti.
Buǵan deıin Ázerbaıjan týmalarynyń selo turǵyndaryn qorqynysh pen úreıde ustap otyrǵandaryn tek resmı tulǵalar biletin edi, endi kúlli elge jaıyldy. Dabyldy Býratııa ákimshiligi jetekshisiniń orynbasary Mordovskoıge tikeleı shyqqan selo basshysy qaqty. Al shaǵymdy qabyldap alǵan laýazym ıesi bul týraly quqyq qorǵaý organdaryna jetkizdi.
«Budan bir aı aldyn maǵan sondaǵy selolardyń biriniń basshysy kelip, jaǵdaıdy aıtyp berdi. Biraq ol sol eldi mekennen emes, kórshi aýdannan. Ol bul seloǵa ulty ázerbaıjan azamattardyń shoǵyrlanyp jatqanyn jetkizdi. Barlyǵy 30-dan astam adam», - dep málimdedi Petr Mordovskoı.
Onyń aıtýynsha, Ázerbaıjannan kelgen qaýymdastyq músheleri búkil selony óz qol astylaryna alyp, munda qylmystyq istermen aınalysýda. Alaıda, ázerbaıjandardyń bul áreketterin jergilikti turǵyndar quzyrly organdarǵa jetkize qoımaǵan. Shamasy, olardan qoryqqan sııaqty. Tipti selo basshysy da bul qyzmetke jaqynda taǵaıyndalǵandyqtan ǵana bul problemany ashyp bergenge uqsaıdy.
«Birinshiden, esirtki saýdasymen aınalysqan, ekinshiden, urylardyń saltyn ustanǵan. Selo basshysy bul problemany bir ózi sheshe almaıdy. Onyń seloda óz magazıni bolǵan», - dedi Mordovskoı.
Murat Aıtqoja.