Aýylǵa gaz berý rásimine oblys ákimi Marat Ahmetjanov, «QazaqGaz Aimaq» AQ bas dırektory Baýyrjan Asqarov jáne qoıandylyqtar qatysty, dep jazady Egemen.kz.
Qoıandy – Selınograd aýdanyndaǵy ortalyqtandyrylǵan gazben qamtylǵan altynshy eldi meken. Aýylǵa tartylǵan gaz qubyrynyń uzyndyǵy 226 shaqyrymnan asady. Gaz tartý jumysynyń nátıjesinde 5000 úı kógildir otynnyń ıgiligin kóredi.
Oblys ákimi gaz qubyryn úıge deıin tartý úshin ataýly áleýmettik jáne turǵyn úı kómegin alatyn otbasylarǵa qarjylyq qoldaý kórsetiletinin aıtty.
«Prezıdenttiń tapsyrmasy boıynsha Astananyń aınalasyndaǵy eldi mekenderdi «Saryarqa» gaz qubyrynyń 1-kezegine qosý úshin gazdandyrý jumystary júrgizilip jatyr. Qoıandyny tabıǵı gazben qamtý jobasy aıasynda 226 km gaz taratý jelisi salynyp, 12 gaz taratý pýnkti ornatyldy. Osylaısha 21 myń adam tabıǵı gazben qamtyldy. Al ataýly áleýmettik jáne turǵyn úı kómegin alatyn otbasylar gaz qubyryn úıine jetkizý úshin 70 AEK-ke deıingi mólsherde qarjy beriledi», dedi Marat Ahmetjanov.
Aıta keteıik, bıyl Aqmola oblysyndaǵy Nurly, Shubar, Aqqaıyń, Talapker, Ybyraı Altynsarın aýyldary men Qosshy qalasyna gaz berilgen bolatyn.