Atalǵan sırek jaǵdaı – «Altyn Emel» memlekettik ulttyq tabıǵı parki aýmaǵynda bolǵan. Fototuzaqqa búrkittiń (Aquila chrysaetos) sýǵa shomylyp jatqan mezeti túsipti, dep jazady Egemen.kz.
Qyzyl kitapqa engen bul túrdiń tirkelýi – park aýmaǵyndaǵy bıoalýantúrliliktiń joǵary deńgeıin jáne tabıǵı ekojúıelerdiń jaqsy saqtalǵanyn taǵy bir márte aıǵaqtap otyr.
«Alynǵan derekter keleshekte jyrtqysh qustardy qorǵaý sharalaryn jetildirýge, olardyń mekendeý ortasyn saqtaýǵa jáne antropogendik áserdi tómendetýge baǵyttalǵan is-sharalardy josparlaýǵa negiz bolady», delingen habarlamada.