Jumysshy mamandyqtar jyly aıasynda Túrkistan oblysynda tehnıkalyq jáne kásiptik bilim berý uıymdarynyń stýdentteri men óndiristik oqytý sheberleri arasynda «Shocolatine Kazakhstan–2025» halyqaralyq baıqaýy ótti, dep jazady Egemen.kz.
Orta Azııa elderinen, atap aıtqanda, Qazaqstan, Qyrǵyzstan jáne О́zbekstannan 22 qatysýshy baq synady. Úmitkerler eki modýl boıynsha kondıterlik ónimderdiń kúrdeli tehnologııalaryn oryndady. Olardyń jumystaryn halyqaralyq kondıterlik qaýymdastyq sarapshylary baǵalady.
Baıqaýdyń qorytyndysy boıynsha Kishi jas sanatyndaǵy qatysýshylar arasynan Bas júldeni jáne Álem chempıonatyna joldamany Túrkistan joǵary kópsalaly agrarlyq kolledjiniń stýdenti Pernen Muhammedáli, «Kásipqoı» sanaty boıynsha Bas júlde men joldamany Astana qoǵamdyq tamaqtaný jáne servıs kolledjiniń stýdenti Mahmut Erkebulan ıelendi.
Baıqaýda úzdik dep tanylǵan jeńimpazdar 2026 jyly Fransııada ótetin Shocolatine jáne Pain au Chocolat Álem chempıonatyna qatysady.